Zbulohen dy klubet favorite për të siguruar shërbimet e De Bruynes

Dy ekipet favorite për të siguruar shërbimet e Kevin De Bruynes tashmë janë zbuluar para skadimit të kontratës së tij me Manchester Cityn. 

Kontrata e De Bruynes në ‘Etihad Stadium’ do të skadojë në verën e 2025, atëherë kur ai do të jetë 34-vjeçar dhe do të kompletojë një dekadë me fanellën e kampionit në fuqi të Ligës Premier. 

Ai ka pasur vështirësi për të qenë në gjendje të mirë fizike dhe ka luajtur me dhimbje gjatë kohëve të fundit, gjë që ka detyruar klubin të marrë një vendim për të ardhmen e tij afatgjatë. 

Mesfushori belg është lidhur me një kalim në Superligën e Arabisë, por edhe MLS është cilësuar si një destinacion atraktiv për njërin nga lojtarët më të mirë në histori të Ligës Premier. 

Sipas një raportimi të fundit nga gazetari Graeme Bailey, ofertat nga jashtë kontinentit mund të vijnë herët ose vonë. 

Është lënë të kuptohet që San Diego FC nuk dëshiron të pres deri në verë për të siguruar shërbimet e De Bruyne dhe tashmë kanë nisur bisedimet me ish-lojtarin e Chelseat dhe Wolfsburgut. 

Ata e duan me çdo kusht reprezentuesin belg, por ka gjithashtu një interesim të fortë edhe nga ana e Inter Miamit që udhëhiqet nga David Beckham./Telegrafi/