Zbulohen disa detaje të 2025 KGM Musso EV elektrike – dhe disa fotografi

KG Mobility, i njohur më parë si SsangYong, ka prezantuar një nën-markë të re për ofertat e saj të ardhshme me emrin Musso.

Sipas mediave të huaja, përcjell Telegrafi, automjeti i parë në këtë linjë të re është KGM Musso EV.

Kjo kamionçinë elektrike së shpejti do të pasohet nga një version me motor me djegie të brendshme.

Duke filluar me EV, KG Mobility ka ndarë vetëm profilin e kamionçinës përpara nisjes së saj në treg.

Fotografi të zbuluara zbulojnë se modeli i prodhimit ruan pjesën më të madhe të stilit të konceptit, me vetëm “disa karakteristika të zbutura”.

Modeli i ri i kamionçinës do të lansohet në Kore në tremujorin e parë të 2025-ës, me plane për zgjerim në tregje si Britania e Madhe dhe Australia më vonë.

Kujtojmë se bëhet fjalë për një markë të cilën edhe konsumatorët kosovarë kanë mundësinë të përjetojnë cilësinë dhe performancën e jashtëzakonshme të saj.

KG Mobility (KGM) është një markë e njohur ndërkombëtare që ka marrë në pronësi kompaninë e famshme SsangYong Motor Company, prodhuesin më të vjetër të makinave në Korenë e Jugut. /Telegrafi/