Mesfushori spanjoll, Isco po e mendon largimin nga Real Madrid.
Reprezentuesi i Spanjës, nuk ka qenë lojtar titullar tek Zinedin Zidane dhe ka kërkuar kohë për të rinovuar.
‘Los Blancos’, i kanë ofruar atij kontratën e re por vet spanjolli e ka refuzuar atë duke thënë se i nevojitet kohë të mendohet.
Kësisoj ky veprim i Iscos ka bërë që dy klubet angleze, Manchester City dhe Tottenham Hotspurs të kërkojnë shërbimet e tij.
Përveç dy ekipeve angleze në garë për t'i fituar shërbimet e mesfushorit është edhe rivali i Real Madrid, Barcelona.
Besohet se Isco mund të largohet nga kampionët e botës për 40 milionë funte. /Telegrafi/
