Ylli i Man Cityt shpërfill Haalandin dhe në vend të tij zgjedh Messin si fitues të Topit të Artë

Mesfushori i Manchester Cityt, Rodri mendon se fitues i Topit të Artë të këtij viti do të jetë Lionel Messi, pavarësisht golave ​​të shënuar nga shoku i skuadrës së tij, Erling Haaland.

Haaland shënoi 52 gola në një sezon debutues që lë pa frymë për Cityn, duke i ndihmuar ata për një triumf historike të tre trofeve.

Ai theu shumë rekorde pasi u bashkua nga Borussia Dortmund dhe sezoni i tij përfundoi me medaljet e fituesit të Ligës Premier, Kupës FA dhe Ligës së Kampionëve.

Rodri ishte njeriu që shënoi golin e vetëm kundër Interit në finalen e Stambollit, për t’i dhënë Cityt trofeun e parë të Ligës së Kampionëve.

Lexo po ashtu Kompletohet lista me 30 kandidatët në garë për "Topin e Artë 2023" - Halaand, Messi dhe Mbappe favoritë, mungon Ronaldo

Ish-mesfushori i Atletico Madrid ka të ngjarë të jetë në top dhjetëshe pas një sezoni mahnitës, por ai nuk beson se Haaland do të marrë çmimin e madh.

“Kush do ta fitojë Topin e Artë. Për mua, mendoj se Lionel Messi do ta fitojë atë”, ka thënë Rodri për El Partidazo de COPE.

Gazeta spanjolle Sport ka pohuar tashmë se Messi do të marrë çmimin individual për herë të tetë pasi fitoi përfundimisht Kupën e Botës me Argjentinën.

Lexo po ashtu E kryer, Lionel Messi fitues i Topit të Artë 2023

Fituesi do të shpallet në Theatre du Chatelet në Paris më 30 tetor në një ceremoni të organizuar nga France Football.

Messi është në linjë për të bërë histori duke u bërë lojtari i parë jashtë Evropës që fiton çmimin, pas kalimit të tij në skuadrën e MLS, Inter Miami, në verë.

36-vjeçari është favorit i qartë pas një turneu vezullues të Kupës së Botës, ku shënoi shtatë gola dhe fitoi Topin e Artë të Kampionatit Botëror “Katar 2022”. /Telegrafi/