Ylli i “Euphoria” Hunter Schafer thotë se nuk dëshiron më të luajë rolin e transgjinores

Aktorja e Euphoria, Hunter Schafer ka thënë se nuk dëshiron më të luajë role transgjinore.

Ylli 25-vjeçare transgjinore, fitoi famë duke luajtur një personazh trans, Jules Vaughn, në dramën hit të HBO-së për adoleshencë.

Por Schafer tha se ndiente se mund të shkonte më tej si aktore duke mos e bërë atë qendër të asaj që po bënte, shkruan BBC.

Ajo tha: “Kam punuar kaq shumë për të arritur këtu ku jam, duke kaluar këto pika vërtet të vështira në tranzicionin tim, dhe tani dua vetëm të jem vajzë dhe më në fund të vazhdoj përpara.”

Duke folur për revistën “GQ”, Schafer tha se të qenit e njohur thjesht si një “aktore trans” ishte në fund të fundit poshtëruese për mua dhe atë që dua të bëj.

Ajo vazhdoi: “Më janë ofruar shumë role trans dhe thjesht nuk dua ta bëj. Nuk dua të flas për këtë.

“Unë e di me të vërtetë që jam një nga njerëzit trans më të famshëm në media për momentin, dhe ndiej një ndjenjë përgjegjësie, dhe ndoshta pak faj, që nuk jam më shumë një zëdhënës. /Telegrafi/