Xheneta: Mundesh të flesh me një djalë edhe pa qenë në lidhje fare

Në darkën e të nominuarve në Big Brother VIP Kosova 3, Xheneta ka qenë sërish në qendër të vëmendjes, pasi është pyetur nga banorët për raportin e saj me Gjestin.

Kjo temë ka qenë shpesh burim debatesh dhe diskutimesh brenda shtëpisë, dhe kësaj radhe Xheneta zgjodhi të flasë hapur për ndjenjat e saj.

Sipas saj, marrëdhënia me Gjestin nuk ka kaluar kurrë në nivelin e dashurisë, por ka qenë më shumë një pëlqim fizik.

“Mua nuk më intereson dashuria e tij, mua më intereson se si sillet me mua. Nuk e kam dashtë kurrë dhe nuk i kam thënë kurrë të dua. Kam pas pëlqim për të, mundesh me fjetë me dikë edhe nëse ke veç tërheqje fizike”, është shprehur Xheneta, duke shtuar më tej se për të, sjellja e partnerit ka më shumë rëndësi sesa ndjenjat e tij.

Deklarata e saj ka ngjallur reagime të ndryshme si brenda shtëpisë, ashtu edhe tek publiku që ndjek reality show-n.

Disa e kanë cilësuar si një moment të sinqertë dhe të guximshëm nga ana e saj, ndërsa të tjerë e kanë komentuar si një qasje kontroverse për raportet romantike. /Telegrafi/