Xhelatina mund të jetë shumë e dobishme: Ka ndikim pozitiv në nyja, kjo është mënyra e duhur e përdorimit

Hulumtime të shumta klinike kanë treguar në praktikë që xhelatina ndikon pozitivisht në funksionimin e sistemit muskulor-skeletor, domethënë të nyjave

Komponenti i saj kryesor është proteina e kolagjenit, që është baza e indit lidhor. Kjo substancë gjithashtu përmban sasi të konsiderueshme të këtyre amino-thartirave: shpargull; glutaminë; prolinë; analinë; glicinë etj.

Aminoacidet ndihmojnë në përmirësimin e proceseve metabolike, por përshpejtojnë edhe punën e trurit dhe të funksionit mendor, transmeton Telegrafi.

Xhelatina gjithashtu përmban vitaminën PP dhe elemente të tjera të dobishme siç janë: natriumi, kalciumi, fosfori, hekuri, kaliumi etj.

Si ndikon xhelatina në nyja

Tetivat, ligamentet dhe kërci kryesisht përbëhen nga kolagjeni. Indet e saj krijojnë bazën e cila u ofron fleksibilitet kockave.

Kolagjeni ka edhe një funksion të rëndësishëm dhe ai është që t’u ndihmojë qelizave të kockave që të absorbojnë kalciumin, mineral i cili është i domosdoshëm për fortësinë dhe qëndrueshmërinë e tyre.

Në qoftë se në trup ka mungesë kolagjeni, seriozisht ndikon në shëndetin tonë dhe çon deri në këto gjendje:

▪ ngadalësimin e shërimit pas lëndimeve;
▪ distrofinë e kërcit e cila shoqërohet me dhembje;
▪ osteoporozë.

Xhelatina është një mjet shumë i dobishëm që ndihmon në trajtimin dhe parandalimin e problemeve të sistemit muskuloskeletor. Mbështet zhvillimin dhe forcimin e indit lidhës dhe kërcor, parandalon ndryshimet distrofike. Studime të shumta tregojnë se marrja e xhelatinës për kyçe redukton dhimbjen dhe përmirëson funksionin motorik.

Megjithatë, nëse jeni duke marrë këtë substancë, duhet të dini se ka disa kufizime. Personat që vuajnë nga sëmundjet kardiovaskulare dhe rritja e koagulimit të gjakut duhet të konsultohen me mjekun përpara se të marrin xhelatinë. E njëjta gjë vlen edhe për ata me probleme me traktin gastrointestinal, me predispozicion ndaj infeksioneve urinare ose kolelitiazës. Njerëzit të cilët janë të prirur ndaj alergjive gjithashtu duhet të jenë shumë të kujdesshëm sepse kjo bimë mund t’i shkaktojë ato.

Si ta merrni

Duhet të keni parasysh se marrja e rregullt e xhelatinës mund të shkaktojë kapsllëk (duke rënduar në këtë mënyrë hemorroidet), të rrisë rrezikun e mpiksjes së gjakut, si dhe të ndikojë në shtimin e peshës. Prandaj, është e rëndësishme që, nëse vendosni ta merrni, të ndiqni tre rregullat e mëposhtme:

▪ trajtimi duhet të zgjasë nga 10 deri në 30 ditë, pas së cilës bëhet një pushim për të njëjtën periudhë;
▪ është e nevojshme të futen ushqime laksative në dietë – fruta të thata, lakër, domate, panxhar, etj.;
▪ copat e xhelatinës duhet të treten ngadalë në gojë.

Nëse e përdorni si llapë, njomni pëlhurën në ujë të ngrohtë, shtrydhni shpejt dhe vendoseni midis shtresave me 1 lugë çaji xhelatinë pluhur. Aplikoni kompresën në kyçin e dorës, mbulojeni me një qese dhe mbështilleni me një shall leshi ose leckë (ose mbulesë). Mbajeni kështu për të paktën gjysmë ore. Përsëriteni këtë trajtim çdo ditë për të paktën një javë.

Nëse e pini, njomni 2 lugë xhelatinë pluhur në 100 ml ujë të nxehtë dhe lëreni të qëndrojë për 12 orë. Pas kësaj, ngrohni përzierjen butësisht derisa kokrrat të treten dhe derdhni të njëjtën sasi uji. Merreni gjysmë ore para mëngjesit. Praktikoni këtë trajtim për një muaj. /Telegrafi/