Xhaka, Lacazette, Luiz dhe Pepe thyejnë rregullat e coronavirusit në Angli, akuzohen nga qytetarët

Katër lojtarë të Arsenalit kanë thyer rregullat e vendosura nga shteti anglez si masë preventive ndaj pandemisë së coronavirusit.

Sipas mediumit britanik The Sun, katër lojtarë të klubit londinez janë bërë ‘covidiots’ duke thyer rregullat e kufizimit të vendosura nga qeveria e vendit.

I pari i filmuar nga mediat është rekordi i transferimeve të klubit, Nicolas Pepe, i cili u pa së bashku me një mik të tij në veri të Londrës duke mos mbajtur distancën sociale.

Sulmuesi nga Bregu i Fildishtë u bashkua në një lojë futbolli në Parkun Graham të Colingdale më 15 Prill para se policia të përfshihej pas ankesave nga banorët.

Pastaj, David Luiz dhe Granit Xhaka u panë duke luajtur futboll së bashku në një park në Southgate.

“Ata kishin një kohë të mirë, por jo kujdes. Pse është një rregull për ta dhe një tjetër për pjesën tjetër?, ka thënë një dëshmitar.

Ndërkohë, Alexandre Lacazette u pa duke qëndruar pranë një shërbëtori të makinave, pasi ai po i pastronte makinën e tij Audi në rrugë.

Një kalimtar i cili e pa sulmuesin tha: “U trondita kur i pashë kaq afër. Me siguri marrja e dikujt për të pastruar makinën tuaj nuk mund të klasifikohet si një udhëtim thelbësor. Pse nuk mund ta ketë bërë Lacazette vetë?”.

Kjo thyerje e rregullave nga lojtarët e Arsenalit vjen vetëm disa ditë pas thyerjes së rregullave nga disa lojtarë të Tottenham Hotspur dhe trajnerit Jose Mourinho. /Telegrafi/