Wenger dëshiron stolin e Bayernit ose Real Madridit

Trajneri francez, Arsene Wenger ka shprehur dëshirën të kthehet të punojë si trajner, por vetëm nëse merr punë nga skuadrat e mëdha si Bayern Munich apo Real Madrid.

Wenger dëshiron t’i kthehet futbollit të përditshëm dhe ta drejtojë një skuadër pas largimit në verë nga Arsenali pas 22 viteve.

Francezi ka opsione të shumta të hapura për të, por deri më tani ka qenë vetëm duke i shqyrtuar ato.

Lexo po ashtu Wenger: Bayerni duhet ta mbështes Kovacin

Ai ka pasur oferta nga ekipi kombëtar i SHBA-ve ose një rol të ngjashëm në Kinë, ndërsa Paris Saint-Germain po e shqyrton atë në një rol të drejtorit të futbollit.

Sipas mediumit francez Le Parisien, Wengerin nuk po e bindin këto oferta pasi dëshiron të drejtoj ekipe në nivele të larta.

Wenger do të dëshironte të kthehej në futboll vetëm nëse merr drejtimin e Bayern Munichut ose Real Madridit.

Lexo po ashtu Zidane, Conte dhe tetë trajnerë të tjerë që po presin për të marr një skuadër

Trajneri i njohur dëshiron një rol udhëheqës në një klub të madh evropian dhe Bayernin apo Realin janë dy skuadrat e vetme të cilat po shqyrtojnë ndërrimin e trajnerit.

Mediumi francez raporton se mund të kemi të reja gjatë javëve në vazhdim sa i përket të ardhmes së ish-trajnerit të Arsenalit. /Telegrafi/