LAJMI I FUNDIT:

Vuçiq do të takohet në Paris me Macronin dhe Lajçakun, thotë se është radha e tjerëve të përmbushet marrëveshja e Brukselit

Vuçiq do të takohet në Paris me Macronin dhe Lajçakun, thotë se është radha e tjerëve të përmbushet marrëveshja e Brukselit

Presidenti i Serbisë, Aleksandar Vuçiq, ka njoftuar se ditëve në vijim do të takohet në Paris me presidentin e Francës, Emmanuel Macron dhe Përfaqësuesin Special të BE-së për Ballkanin Perëndimor, Mirosllav Lajçak si dhe me Përfaqësuesin e lartë BE-së për Politikë të Jashtme, Josep Borrell.

Duke folur për marrëveshjen e Brukselit, Vuçiq, tha se Serbia e ka respektuar fjalën dhe nënshkrimin e dhënë, dhe se tani është radha që këtë ta bëjë Bashkimi Evropian dhe Kosova, transmeton Telegrafi.

Gjatë një konference për media, presidenti serb tha se ka anuluar udhëtimet në Egjipt dhe Katar, por se gjatë dy ditëve të ardhshme do të qëndrojë në Paris ku do të marrë pjesë në Forumin për Paqe, dhe pritet të takohet me Lajçakun dhe Macron.

“Ata akoma nuk po heqin dorë nga veprimet e tyre ilegale lidhur me targat, nuk u shkon ndërmend të marrin pjesë në formimin e Asociacionit të komunave me shumicë serbe. Dhe tani është e qartë për të gjithë se gjithçka që ka ekzistuar nga institucionet, ka ekzistuar sepse kemi respektuar fjalën dhe nënshkrimin tonë”, shtoi Vuçiq.

Ai theksoi se Serbia nuk tërhiqet dhe kurrë nuk e tërheq nënshkrimin e saj, por se marrëveshja e Brukselit, ka tre nënshkrime, jo një.

“Një është i kryeministrit Ivica Daçiq. Ekzistojnë edhe dy tjerë, njëri i përfaqësuesit shqiptar dhe tjetri i Bashkimit Evropian. Nënshkrimin e Daçiqit të gjithë ne në Serbi e kemi respektuar dhe kemi bërë gjithçka që duhej të bënim. Tani është koha të mishërohen dy nënshkrimet e tjera”, shtoi Vuçiq.

Ai shtoi se kjo do të thotë që të formohet Asociacioni i komunave me shumicë serbe, dhe që rregulloret të mos interpretohen në mënyrë të rreme.

“Tani mirë, është radha juaj, përmbushni marrëveshjen e Brukselit. Dhe për serbët nuk keni nevojë të shqetësoheni, fjala jonë e deritanishme ka nënkuptuar shumë më tepër se nënshkrimi i Prishtinës dhe BE-së. Nënshkrimi dhe fjala jonë janë të vlefshme në të drejtën ndërkombëtare”, tha për fund presidenti serb. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori