Presidenti i Serbisë, Aleksandar Vuçiq ka deklaruar sot se në bisedimet në Bruksel do t’i vazhdojë vetëm pasi të krijohet Asociacioni i komunave me shumicë serbe.
Vuçiq ka komentuar njoftimin e Jozep Borrellit se do ta ftojë atë dhe Kurtin në Bruksel për të shtyrë siç tha ai planin evropian për Kosovën.
“Asnjëherë nuk jam shmangur bisedimeve për asgjë, apo ndonjë çështje, së pari Asociacioni i komunave serbe. Nëse mendoni të më ftoni në Bruksel, për të më bindur të them Asociacioni i komunave serbe njëkohësisht me nuk e di se çfarë ose pasi nuk e di çfarë, mos më thirrni. Më thirrni për turizëm dhe nuk jam i interesuar. Kam qenë në Bruksel 200 herë, nuk jam i interesuar të shkoj në turizëm. Kështu që nëse më thirrni, më njoftoni se e kanë dorëzuar Asociacionin e komunave serbe, kur ta dorëzojnë, do të vij të diskutojmë gjithçka tjetër”, tha Vuçiq.
I pyetur nga një gazetar që të komentojë faktin se Albin Kurti ka numëruar se janë 11 kryetarë komunash në Serbinë qendrore që nuk janë të kombësisë serbe dhe se Serbia nuk u jep atyre asociacione kombëtare, Vuçiq tha se kjo është “marrëzi dhe pafytyrësi”.
“Marrëzi dhe vrazhdësi, por nuk do të flas më për këtë. Ai do të donte të barazonte statusin juridiko-politik shtetëror të Republikës së Serbisë me atë që ai e quan Republika e Kosovës. Nuk është njësoj, nuk ke çfarë të flasësh ti për Serbinë qendrore, ne kemi një temë për të folur dhe kjo është e vetmja temë në tryezë”, tha Vuçiq, transmeton Telegrafi.
Lidhur me deklaratën e kryetarit të kuvendit Kosovës, Glauk Konjufca, se formimi i Asociacionit të komunave serbe është i pamundur, presidenti serb tha se Konjufca ka thënë vetëm atë që mendojnë të gjithë përfaqësuesit politikë të shqiptarëve në Prishtinë.
“E di që nuk planifikojnë ta formojnë Asociacionin. Dhe tani të shohim se çfarë do të bëjnë amerikanët, evropianët dhe të gjithë të tjerët”, theksoi presidenti.
Ai tha se nëse mendojnë të diskutojnë për diçka seriozisht, atëherë Asociacioni i Komunave Serbe duhet së pari të zbatohet në përputhje të plotë me katër marrëveshjet tashmë të nënshkruara dhe të pranuara në Bruksel.
Ndryshe, Kryeministri Kurti tha sot se Asociacioni nuk është as parakusht për propozimin evropian, i njohur edhe si plani franko-gjerman, e as në qendër të tij.
Më 6 shkurt, Kurti deklaroi se themelimi i Asociacionit nuk është prioriteti i tij, por javën e kaluar ai shpalosi gjashtë kushtet për formimin e tij.
Ndërsa, Përfaqësuesi i Lartë për Politikë të Jashtme i Bashkimit Evropian, Josep Borrell ka thënë se së shpejti do t’i ftojë në një takim në Bruksel kryeministrin e Kosovës, Albin Kurti dhe presidentin serb, Aleksandar Vuçiq.
“Propozimi (plani evropian) është në tavolinë. Do t’i ftojë të dy liderët të vijnë në Bruksel së shpejti….për të shtyrë para këtë propozim”, tha a, raporton Telegrafi.
Shefi i Politikës së Jashtme të BE-së tha se është koha për punë konstruktive pasi periudhën e fundit “është shkuar nga kriza në krizë”.
SHBA-ja dhe BE-ja kanë rritur presionin ndaj Kosovës që të zbatojë marrëveshjet e arritura për Asociacionin më 2013 dhe 2015.
Gjykata Kushtetuese e Kosovës më 2015 tha se disa pika të marrëveshjes nuk ishin në harmoni me Kushtetutën, por që mund të harmonizohen. /Telegrafi/
Promo
Reklamo këtuLufta Prigozhin - Putin
Më shumëShkarkohet kryetari i sindikatës së Policisë së Kosovës
Thaçit i shkojnë për vizitë në Hagë prindërit e tij
Ambasadori italian: Letra e Gërvalles e pa vlefshme, propozimi i BE-së të dërgohet në Kushtetuese
Takimi Kurti-Allen, kryeministri shpreh shqetësimin për kërcënimet nga Serbia dhe lënien në liri të Radoiçiqit
Arratiset Enver Sekiraqa, policia ka informuar të gjitha vendkalimet kufitare
Nënsekretarja amerikane pas takimit me Kurtin: Kosova i takon BE-së dhe NATO-s
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare