LAJMI I FUNDIT:

Vuçiq: Nuk do t’i vendosim sanksione Rusisë përderisa unë e udhëheq Serbinë

Vuçiq: Nuk do t’i vendosim sanksione Rusisë përderisa unë e udhëheq Serbinë

Presidenti i Serbisë, Aleksandar Vuçiq, gjatë qëndrimit në New York, ku po merr pjesë në seancën e Asamblesë së Përgjithshme të Kombeve të Bashkuara, deklaroi se “Serbia ende nuk do të vendosë sanksione ndaj Rusisë”.

Ai iu përgjigj një pyetje se pse Serbia është i vetmi vend që nuk është në linjë me Bashkimin Evropian lidhur me vendosjen e sanksioneve kundër Rusisë, raporton N1.


“Së pari do të më mbajnë një ligjëratë për 7-8 minuta, pastaj të gjithë të tjerët do të më mbajnë leksione. Unë do t’i dëgjoj ata dhe pastaj do t’u them se unë e udhëheq Serbinë si president dhe përderisa ne mund ta udhëheqim këtë lloj politike, ne do ta udhëheqim atë. Kur e kuptojmë se nuk mundemi, nuk do ta drejtojmë më dhe e kemi drejtuar për një vit e shtatë muaj tashmë. Dhe ne mund ta bëjmë tani dhe ajo politikë është një politikë serioziteti dhe përgjegjësie, është një politikë e drejtë, sepse ne e dimë se si ia dolëm me sanksionet”, u tha Vuçiq gazetarëve në New York.

Serbia sërish i vetmi vend nga rajoni që nuk respektoi masat e BE-së kundër Rusisë
Lexo po ashtu Serbia sërish i vetmi vend nga rajoni që nuk respektoi masat e BE-së kundër Rusisë

Ai vuri në dukje se presidenti i SHBA-së, Joseph Biden, deklaroi si vlerat më të mëdha të njerëzimit, “së pari integritetin territorial, pastaj sovranitetin, dhe vetëm nën tre të drejtat e njeriut” dhe “shumë herë duke iu referuar Kartës së OKB-së”.

“Do të përpiqem t’u kujtoj të gjithëve se nuk është kështu kur bëhet fjalë për Serbinë. Do t’i kujtoj kur na bombarduan në vitin 1999, se ende nuk respektojnë rregullat e OKB-së dhe Rezolutën 1244. Por, kjo nuk është asgjë e re, atyre që janë të mëdhenj u lejohet gjithçka, ne që jemi të vegjël e kuptojmë më mirë se jemi të vegjël pas një kohe. Akoma nuk e kam kuptuar sa të vegjël jemi, ndoshta tani do të më bindin. Të gjithë mundohen të më japin mësime morali për gjithçka dhe të shpjegojnë se si dhe në çfarë mënyre duhet të vendosim sanksione ndaj Rusisë. Këtu jam unë, i cili ende ka njëfarë ndikimi në vendimmarrje në institucionet e Serbisë, ende nuk jam për këtë”, tha Vuçiq.

Vuçiq deklaroi se ka pasur një takim me presidentin turk, Recep Tayyip Erdogan dhe një takim shumë të rëndësishëm dhe kuptimplotë me presidentin e Këshillit Evropian, Charles Michel, dhe shtoi se nesër do të ketë një takim shumë të rëndësishëm me zëvendëspresidentin kinez dhe njoftoi nënshkrimin e një marrëveshjeje për tregtinë e lirë me Kinën.

Në New Jork ka filluar sot debati i përgjithshëm i sesionit të 78-të të Asamblesë së Përgjithshme të OKB-së, ndër temat kryesore pritet të jenë ndryshimet klimatike dhe lufta në Ukrainë. /Telegrafi/

Në trend Botë

Më shumë
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe

“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe

Serbia
Vetëm dy vende do të mbijetonin pas apokalipsit bërthamor - çka do t'i shpëtonte këto shtete

Vetëm dy vende do të mbijetonin pas apokalipsit bërthamor - çka do t'i shpëtonte këto shtete

Botë
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë

Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë

Amerika
Hungaria vendos veto ndaj rezolutës së KiE - nuk mbështetet formula e paqes e Ukrainës

Hungaria vendos veto ndaj rezolutës së KiE - nuk mbështetet formula e paqes e Ukrainës

Evropa
Ky ishte sundimtari më i pasur në historinë e botës - ekspertët

Ky ishte sundimtari më i pasur në historinë e botës - ekspertët "ringjallën" gjyshin e Tutankhamun

Afrika
Votohet qeveria e re kroate - Andrej Plenkoviq për herë të tretë radhazi kryeministër

Votohet qeveria e re kroate - Andrej Plenkoviq për herë të tretë radhazi kryeministër

Kroacia
Kalo në kategori