Vuçiq në dasmën e djalit të Sheshelit – me këngë që lavdërojnë çetnikun, njësitë e të cilit kryen krime kundër myslimanëve në Bosnjë dhe Sanxhak

Një video në të cilën shihet presidenti i Serbisë, Aleksandar Vuçiq bashkë me kriminelin e luftës, Vojisllav Sheshel është shpërndarë në rrjetet sociale dhe ka nxitur reagime të shumta në rajon.

Sipas mediave të huaja, përcjell Telegrafi, bëhet fjalë për pamje që tregojnë Vuçiqin, i cili mori pjesë në dasmën e djalit të kriminelit të luftës, Vojisllav Sheshel.

To što sramota čovečanstva @predsednikrs se napija zajedno sa zločincem Vojislavom Šešeljem je jedna prosta stvar o kojoj razgovaram sa strancima jako dugo, ukazujući na potpunu jednakost njih dvojice. To što se napija sa njim dok slušaju pesmu koja slavi Pavla Đurišića, četnika… pic.twitter.com/tHjpSe1T3I

— Advokat Čedomir Stojković 🇷🇸🇺🇦 (@FIGHT_4_RIGHT_S) June 11, 2023

Madje, siç thuhet më tej, ata të dy së bashku me një këngë lavdërojnë çetnikun Pavle Gjurishiq.

Sipas raportimeve, bëhet fjalë për njeriun i cili ndër tjerash, në vitin 1943, trupat e tij kryen disa masakra kundër popullsisë myslimane të Bosnjë dhe Hercegovinës dhe Sanxhakut, në të cilat u vranë rreth 10,000 njerëz midis janarit dhe marsit, duke përfshirë mijëra gra, fëmijë dhe të moshuar.

Kujtojmë se presidenti i tanishëm i Serbisë ka qenë pjesë e Partisë Radikale Serbe të udhëhequr nga Sheshel.

Braća crnogorci preneli moj snimak u vestima, čujem da su i ostale zemlje regiona objavile…@avucic je si dobro, mamuraš li?#vunakico pic.twitter.com/l0GJGmjBzr

— Dragan Vidaković Mrki P.S.Gerila (@protivdictature) June 12, 2023

Dhe ka qenë avokati nga Beogradi, Çedomir Stojkoviq, ai që ka postuar videon në Twitter.

Siç ka shkruar ndër tjerash ai, “është turp për njerëzimin që presidenti i Serbisë të dehet së bashku me kriminelin Vojisllav Sheshel”. /Telegrafi/