Vritet një person nga shpërthimi në Smolicë të Gjakovës

Një shpërthim, që ka ndodhur në fshatin Smolicë të Gjakovës, i ka marrë jetën një personi në orët e hershme të mëngjesit sotëm.

Lajmin për Telegrafin e ka konfirmuar zëdhënësja e Policisë ne Rajonin e Gjakovës, Lirie Podrimaj.

Ajo thotë se policia është në vendin e ngjarjes duke hetuar rastin.

“Sot, më 14. 10. 20218, në ora 08:00 Stacioni Policor në Gjakovë përmes telefonit ka marr informatën se në fshatin Smolicë të Gjakovës ka shpërthyer një mjet eksplozivi.

Patrullat policore menjëherë kanë dal në vendin e ngjarjes dhe kanë hasur trupin e pa jetë të viktimës H. A. – 61 vjeçar, i cili para shtëpisë tij kishte gjetur vdekjen si pasojë e shpërthimit të një mjeti eksplodues”, ka thënë Podrimaj, për Telegrafin.

Sipas zëdhënëses, të gjitha njësitë relevante të Policisë Kosovës kanë dal në vend të ngjarjes së bashku me Kryeprokurorin e Shtetit nga Prokuoria Themelore e Gjakovës, FSK-ja dhe Instituti i Mjekësisë Ligjore, të cilat po punojnë intensivisht të hetohet dhe ndriçohet ky rast. /Telegrafi/