Agjencia e OKB-së për refugjatët palestinezë (UNRWA) ka njoftuar se gjashtë nga punonjësit e saj janë vrarë në një sulm ajror izraelit në një shkollë në Gazan qendrore.
Agjencia e Mbrojtjes Civile e Gazas, e drejtuar nga Hamasi, tha se gjithsej 18 persona u vranë në sulmin në shkollën al-Jaouni në kampin e refugjatëve Nuseirat, e cila po përdoret si strehë nga mijëra palestinezë të zhvendosur.
Ndërkohë, ushtria izraelite tha se kreu një “sulm të saktë ndaj terroristëve” dhe se kishte marrë masa për të shmangur dëmtimin e civilëve.
Bëhet e ditur se Sekretari i Përgjithshëm i OKB-së, António Guterres e dënoi sulmin, duke thënë: “Ajo që po ndodh në Gazë është krejtësisht e papranueshme”.
“Këto shkelje dramatike të ligjit ndërkombëtar humanitar duhet të ndalen tani”, tha Guterres.
UNRWA tha se sulmi shënoi “numrin më të lartë të vdekjeve në mesin e stafit në një incident të vetëm” që nga fillimi i luftës midis Izraelit dhe Hamasit në tetor.
Ajo gjithashtu vuri në dukje se ishte hera e pestë që shkolla goditet gjatë 11 muajve të fundit, shkruan BBC, përcjell Telegrafi.
Në korrik, 16 persona thuhet se u vranë në një sulm për të cilin ushtria izraelite tha se kishte shënjestruar disa struktura në shkollën e përdorur nga luftëtarët e Hamasit.
I menjëhershëm ishte edhe reagimi i ambasadorit të Izraelit në OKB, Danny Danon.
“Është e pandërgjegjshme që OKB-ja vazhdon të dënojë Izraelin në luftën e tij kundër terroristëve, ndërsa Hamasi vazhdon të përdorë gratë dhe fëmijët si mburoja njerëzore”, tha Danon.
Videot e pasojave të sulmit në shkollë treguan qindra njerëz duke inspektuar katin e dëmtuar rëndë të një krahu të shkollës al-Jaouni, si dhe mbetjet e një strukture ngjitur që dukej se ishte shkatërruar.
Pamjet e tjera treguan ambulancat që sillnin të plagosur burra, gra dhe fëmijë që ishin plagosur në sulm në spitalin al-Aksa në qytetin e Deir al-Balah.
Zëdhënësi i Mbrojtjes Civile, Mahmoud Bassal tha se 18 njerëz u vranë, duke përfshirë anëtarë të stafit të UNRWA, fëmijë dhe gra, dhe se 18 të tjerë u plagosën.
Më vonë, Unrwa tha në një deklaratë se dy sulme ajrore kishin goditur shkollën dhe rrethinën e saj, ku jetonin rreth 12,000 njerëz të zhvendosur, kryesisht gra dhe fëmijë.
Disa orë para incidentit, organizata deklaroi në një raport se pothuajse 70% e shkollave në Gaza ishin goditur gjatë luftës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Zelensky akuzon Rusinë se ka sulmuar automjetet e Komitetit Ndërkombëtar të Kryqit të Kuq
SpaceX me misionin më të rrezikshëm hapësinor deri më tani – pjesë e tij edhe miliarderi amerikan
Adoleshentët suedezë fitojnë para duke vrarë për bandat daneze, ka kosto të ulët t’i punësojnë ata
Çfarë janë raketat Storm Shadow dhe pse janë vendimtare për Ukrainën?
Adoleshentët suedezë fitojnë para duke vrarë për bandat daneze, ka kosto të ulët t'i punësojnë ata
Ukrainasit publikojnë pamjet: Kemi rrëzuar aeroplanin luftarak rus që kushton 50 milionë dollarë
Britania e Madhe ka vendosur të lejojë Ukrainën të përdorë raketat Storm Shadow në sulmet brenda territorit të Rusisë
Çfarë janë raketat Fath-360 që SHBA thotë se ushtria ruse mori nga Irani?
SpaceX me misionin më të rrezikshëm hapësinor deri më tani - pjesë e tij edhe miliarderi amerikan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Secila më e mirë se tjetra
Më të lexuarat
Surroi: Serbia e legjitimoi politikisht sulmin në Banjskë – aktakuza është ngritur në bashkëpunim me SHBA-në dhe EULEX-in
Trajneri i Lilles befason për Edon Zhegrovën: Tregon pikën e fortë dhe të dobët të reprezentuesit të Kosovës
Vajzat koreano-veriore që qajnë teksa dënohen dhe poshtërohen publikisht - në pamjet e rralla të zyrtarëve të regjimit të Kim Jong Un
"Drita më bëri me shtëpi" - Faruk Statovci tregon se si me paratë e fituara te klubi gjilanas kishte ndërtuar shtëpitë në fshat
Florentino Perez dëshiron që ylli i Milanit të zbarkojë në "Santiago Bernabeu"
Çfarë janë raketat Fath-360 që SHBA thotë se ushtria ruse mori nga Irani?