LAJMI I FUNDIT:

Vrasja e 21-vjeçares në Ferizaj dhe plagosja e vëllait të saj, çfarë dihet deri tani?

Vrasja e 21-vjeçares në Ferizaj dhe plagosja e vëllait të saj, çfarë dihet deri tani?

Një ngjarje e rëndë ka ndodhur pasditen e së premtes në hapësirat e Qendrës për Punë Sociale në Ferizaj, ku një grua mbeti e vrarë dhe vëllai i saj u plagos.

Policia në njoftimin zyrtar bëri të ditur se viktima është 21-vjeçare kurse i dyshuari për vrasjen është ish-bashkëshorti i saj, 36-vjeçar, transmeton Telegrafi.

“Më datën 12.04.2024 në ora 14:40 policia rajonale e Ferizajt ka pranuar një informatë se në Qendrën për Punë Sociale në Ferizaj ka të shtëna me armë zjarri. Patrullat e policisë menjëherë kanë dalë në vendin e ngjarjes të cilët kanë mësuar se një person brenda Qendrës për Punë Sociale në katin I-rë ka shtënë me armë zjarri në drejtim të dy personave dhe për pasoj një person E.C (F/K) e moshës 21 vjeçare ka ndërruar jetë në vendin e ngjarjes, vdekja e së cilës është konfirmuar nga mjekët kujdestar në vendin e ngjarjes, ndërsa plagë trupore ka pësuar personi D.C ( M/K) i moshës 15 vjeçar”, njoftoi policia.


Vrasja e 21-vjeçares në Ferizaj, të hënën protestohet në Prishtinë: Siguria e grave të trajtohet si urgjencë kombëtare
Lexo po ashtu Vrasja e 21-vjeçares në Ferizaj, të hënën protestohet në Prishtinë: Siguria e grave të trajtohet si urgjencë kombëtare

Në komunikatën për media, gjithashtu policia bëri të ditur se personi i dyshuar për vrasje u arrestua pak minuta pas ngjarjes tragjike.

“Ekipe të policisë, policët e rendit, hetuesit e stacionit, hetuesit rajonal të mbështetura edhe nga Njësia e Reagimit të Shpejtë (NJRSH) kanë identifikuar të dyshuarin V.A ( M/K) i moshës 36 vjeçar dhe menjëherë kanë rrethuar zonën përreth dhe pas një pune intensive në terren, në orën 15:15 kanë arritur që të arrestojnë të dyshuarin e kësaj ngjarje dhe e kanë shoqëruar në Sektorin Rajonal të Hetimeve në Ferizaj, për procedura tjera hetimore”, theksohet më tej.

Nga vendi i ngjarjes, Telegrafi të premten raportoi se i plagosuri është i mitur.

Mjeku kujdestar i Emergjencës në Ferizaj, Sefedin Fazliu, ka treguar për gjendjen shëndetësore të 15-vjeçarit të plagosur.

“Sot rreth orës 15:00 e kemi pranuar nga shërbimi i urgjencës një pacient, i cili ka qenë i lënduar me armë zjarri. Pacienti ka qenë i lënduar në parakrahun e djathtë dhe pas radiografisë, e cila është bërë, është konstatuar se një plumb qëndron në parakrahun e djathtë dhe nga ana e ortopedit është larguar plumbi. Po ashtu. meqë ka qenë edhe frakturë e njërës kockë e parakrahut është bërë edhe mobilizimi i dorës dhe pacienti është pranuar në gjendje stabile pas trajtimit të emergjencës dhe është pranuar në repartin e ortopedisë”, tha ai.

Gjithçka nga vrasja e rëndë në Ferizaj, mjeku flet për gjendjen shëndetësore të 15-vjeçarit të plagosur
Lexo po ashtu Gjithçka nga vrasja e rëndë në Ferizaj, mjeku flet për gjendjen shëndetësore të 15-vjeçarit të plagosur

Sipas informacioneve të deritanishme thuhet se viktima dhe i dyshuari për vrasjen e saj kanë qenë në një proces divorci, dhe se takimet në Qendrën për Punë Sociale i kanë zhvilluar për kujdestarinë e foshnjës së tyre, rreth nëntëmuajshe.

Vrasja e gruas u dënua ashpër nga udhëheqësit e vendit, kryetari i Ferizajt dhe nga shoqëria civile, të cilët edhe kërkuan dënimin meritor për dorasin.

Vrasjet e grave nga burrat kanë shënuar rritje viteve të fundit, ku së fundi edhe ministrja e Drejtësisë, Albulena Haxhiu, deklaroi se përkundër angazhimeve të tyre, gratë ende nuk janë të sigurta./Telegrafi/

Në trend Lajme

Më shumë
E trishtë, i bien dyert e oborrit - 3 vjeçari ndërron jetë në Spitalin e Gjakovës

E trishtë, i bien dyert e oborrit - 3 vjeçari ndërron jetë në Spitalin e Gjakovës

Kronika e Zezë
Iu refuzua hyrja në Kosovë, shtetasi i huaj arrestohet në Merdar për hyrje ilegale

Iu refuzua hyrja në Kosovë, shtetasi i huaj arrestohet në Merdar për hyrje ilegale

Kronika e Zezë
Osmani me një video-mesazh për mërgimtarët: Dyert, zemrat dhe shtëpitë tona janë të hapura, sepse ju i jepni shpirt Kosovës

Osmani me një video-mesazh për mërgimtarët: Dyert, zemrat dhe shtëpitë tona janë të hapura, sepse ju i jepni shpirt Kosovës

Lajme
Beleri lë qelinë, niset për në Strasburg për t’u betuar si eurodeputet

Beleri lë qelinë, niset për në Strasburg për t’u betuar si eurodeputet

Lajme
Shqiptari humb jetën në Gjermani, dyshimet flasin për vrasje

Shqiptari humb jetën në Gjermani, dyshimet flasin për vrasje

Lajme
Vazhdon ballafaqimi me zjarre në Maqedoninë e Veriut, paralajmërohen ndihmë nga disa shtete

Vazhdon ballafaqimi me zjarre në Maqedoninë e Veriut, paralajmërohen ndihmë nga disa shtete

Lajme
Kalo në kategori