Kuvendi i Kosovës në vazhdimin e seancës plenare ka miratuar në parim Projektligjin nr.08/L-121 për Byronë Shtetërore për Verifikimin dhe Konfiskimin e Pasurisë së Pajustifikueshme, me 58 vota për dhe 3 abstenime.
Partitë opozitare nuk morën pjesë në votim, pasi që patën kundërshtime të ashpra rreth këtij Projektligji.
Shefi i Grupit Parlamentar të LDK-së, Arben Gashi para hedhjes në votim tha se të mërkurën kanë pasur një konsultim mes grupeve parlamentare dhe kryeparlamentarit Glauk Konjufca, lidhur me hartimin e disa Projektligjeve që kanë të bëjnë me Vettingun dhe sistemin e sigurisë në Kosovë.
“Dje kemi kemi propozuar që të ndërtojmë disa parime bazë. Parimi i parë ishte për çështjen e Vettingut dhe ligjeve që kanë të bëjnë me Vettingun të ketë autorësi nga Kuvendi, parimi i dytë ishte që të ketë gjithëpërfshirje politike dhe balancim politik dhe parimi i tretë të ketë rregullim sektorial, pra të rregullohen sektorët që të jenë në pajtueshmëri këto ligje”, deklaroi Gashi.
Shefi i Grupit Parlamentar të AAK-së, Besnik Tahiri tha se në takimin e djeshëm u dakorduam që pronësinë mbi Vettingun ta merr Kuvendi i Kosovës në mënyrë që nëse duhet të ketë ndryshime kushtetuese atëherë të ketë konsensus.
“Nëse ne dje u dakorduam që të përcaktojmë saktësisht përbërjen, mandatin, detyrat në këtë proces ky ligj i cili bie në ndesh me Kushtetutën dhe është kundërshtuar nga Komisioni i Venecias, duhet të kthehet dhe të diskutohet. Nëse shtyjmë këto ligje me një agjendë partie, atëherë nuk do të keni konsensus për ndryshimet që do të duhen në të ardhmen”, tha Tahiri i AAK-së.
Pas kësaj foli ministrja e Drejtësisë, Albulena Haxhiu e cila tha se nuk mban mend të ketë pasur debat më shumë në Kuvendin e Kosovës sesa për Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme.
“Qëndrimi i Qeverisë është që ky Projektligj të vendoset për votim në parim dhe pastaj të gjitha rekomandimet e Venecias të adresohen. Përshëndesim nisjen e takimeve të grupeve parlamentare për procesin e Vettingut”, tha Haxhiu.
Pas kësaj ka reaguar sërish shefi i Grupit Parlamentar të LDK-së, Arben Gashi. Ai ka thënë se kjo nënkupton që Qeveria nuk dëshiron bashkëpunim.
“Kjo nënkupton që Qeveria nuk dëshiron bashkëpunim, dhe faleminderit për ftesën dje për bashkëpunim kryeparlamentar, e konsideroj të paarsyeshme me na ftu në takime tjera nëse doni me shty përpara një çështje që është antikushtetuese”, tha Gashi.
Replikë pati edhe nga Besnik Tahiri i AAK-së, i cili tha se po bëhet një ndarje jo me fajin e opozitës.
“Po e shtyni një ligj që është antikushtetues. Dje kem diskutu në formën më përmbajtjesore për procesin e Vettingut. Kërkoj nga ju kryeparlamentar dhe kryeministër që të tërhiqet ky projektligj, përndryshe jeni pa ne”, tha Tahiri.
Edhe shefi i Grupit Parlamentar të PDK-së, Abelard Tahiri tha se jemi pajtuar që çështjen e reformës në drejtësi të mos fokusohemi vetëm në Vetting por të jetë edhe çështja e Byrosë dhe konfiskimi.
“Mendoj se do të ishte mirë që kjo të shkohej në pako. Konsensusi politik është i nevojshëm sot”, tha Tahiri. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti: Anëtarësimi në KiE, hapi i parë drejt bashkimit me familjen evropiane
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre