Vjen reagimi i parë nga Partia Socialiste pasi SHBA shpalli Sali Berishën person “non grata”

Pas shpalljes “non grata” të ish-kryeministrit Sali Berisha dhe familjes së tij, ka reaguar Taulant Balla nga Partia Socialiste.

Ai ka përshëndetur vendimin e SHBA-së, duke shpërndarë postimin e Sekretari i Shtetit, Antony Blinken.

“PËRSHËNDES VENDIMIN E SHTETEVE TË BASHKURA TË AMERIKËS NDAJ SALI BERISHËS: Aktet e korruptuara të ish-Presidentit të Shqipërisë Sali Berisha kanë minuar demokracinë në Shqipëri. Po e shpall Berishën dhe anëtarët e afërt të familjes së tij si të papranueshëm për të hyrë në Shtetet e Bashkuara. Ne mbetemi #tëbashkuarkundërkorrupsionit me partnerët tanë në Shqipëri.” Sekretari i Shtetit, Antony Blinken It is a beatiful day for the Albanian Democracy”, shkruan Balla.

Lexo po ashtu Ish kryeministrit të Shqipërisë, Sali Berisha dhe familjes së tij i ndalohet hyrja në SHBA

Ky informacion u bë i ditur në një reagim zyrtar nga SHBA, ku Sekretari i Shtetit Amerikan, Antony Blinken e përcakton Berishën dhe familjen e tij si të papërshtatshëm për të hyrë në SHBA.

“Aktet e korruptuara të ish-presidentit të Shqipërisë Sali Berisha minojnë demokracinë në Shqipëri. Unë po e them publikisht se Berishën dhe anëtarët e ngushtë të familjes së tij janë të papërshtatshëm për hyrjen në Shtetet e Bashkuara. Ne mbetemi të bashkuar me partnerët tanë në Shqipëri për luftë kundër korrupsionit”, shkruan Blinken.