Vidhet hiri i Mahatma Ghnadit në 150 vjetorin e lindjes së tij, hajnat kishin shkruar edhe një mesazh të turpshëm

Persona të panjohur kanë vjedhur hirin e Mahatma Ghandit, në ditën kur po shënohej 150-vjetori i lindjes së tij.

Hiri është vjedhur nga memoriali në pjesën qendrore të Indisë, ku ishte ruajtur nga viti 1948, kur edhe ishte vrarë nga një ekstremist hindus, transmeton Telegrafi.

E sikur kjo të mos mjaftonte, hajnat kishin shkruar një mesazh me ngjyrë të gjelbër “tradhtar”. Disa ekstremistë hindu e konsideronin Ghandin për shkak të qëndrimit të tij që hindusët dhe myslimanët nuk duhet të kenë probleme, edhe pse ai ishte hindus.

Në anën tjetër policia në Revi të shtetit Madia Pradesh, është duke hetuar rastin dhe janë zotuar se shumë shpejtë do të dalin me një komunikatë.

Mangaldip Tivari, rojtar në memorialin në Bapu Bavan ku ishte ruajtur hiri, ka deklaruar se kjo vjedhje ishte e “turpshme”.

“Hapa herët portën pasi ishte ditëlindja e Ghandit, kur u ktheva rreth orës 23:00 e pashë se ishte vjedhur hiri i Ghandit si dhe fotografia e tij ishte shkatërruar”, ka shtuar ai. /Telegrafi/