Videoja e maltretimit të dashit në një dasmë shqiptare acaron personazhet VIP: Vetëm në ritualet sataniste të djallit mund të ndodhin këto

Në rrjetet sociale është duke qarkulluar një video bizare, ku shihet maltretimi me një kafshë në një dasmë shqiptare.

Videoja e cila besohet të jetë realizuar në rrethinën e Shkodrës, paraqet dasmorë të cilët i japin një dashi të pijë alkool me zor, teksa vërehet qartë se kjo ndodh pa mëshirë ndaj tij.

Me t’u shpërndarë kjo video në rrjetet sociale, ka ngjallur reagime të shumta, përfshirë këtu edhe personazhet VIP.

View this post on Instagram

A post shared by ANIMAL AID ALBANIA (@ndihmaekafsheveshqiperi)

Modelja e njohur shqiptare, Armina Mevlani, vendosi që revoltën e saj ta shprehë përmes një komenti te faqja që e ka publikuar video në Instagram, “Ndihma e kafshëve në Shqipëri”.

Mevlani shkroi se një maltretim i tillë mund të haset vetëm në kulturat e frikshme sataniste.

“Vetëm në rituale sataniste që i përkasin djallit mund të ndodhin këto krime! Mos gëzofshin kurrë”, shkroi Armina.

E jo më pak e qetë u tregua në një koment më poshtë edhe këngëtarja e njohur shqiptare Besa Kokëdhima, e cila tash e sa kohë e ka treguar se është një avokate e të drejtave të kafshëve.

Ajo shkroi se videon në fjalë nuk mundi as ta rishpërndajë në Instagramin e saj për të ndërgjegjësuar fansat, pasi ka frikë se një video e tillë mund t’i motivojë dashakeqësit me të njëjtat qëllime.

“Kam frikë ta bëj ‘share’, se u jap ide monstrave të tjerë potencial. Jam përtej fjalëve. Horror”, shkroi Kokëdhima në komentin e saj.

E pak më “guxim” për ta rishpërndarë në InstaStory dhe për të treguar revoltën e tij lidhur me këtë çështje pati producenti i njohur shqiptar, Don Arbas.

Ai publikoi në InstaStory këtë video, duke shkruar: “Kafshët duke e torturuar Dashin. Zoti ju djegtë”.

Videoja në fjalë ka marrë një shpërndarje të madhe edhe në rrjetet sociale Facebook dhe TikTok, duke ngjallur reagime të shumta te mbrojtësit e të drejtave të kafshëve. /Telegrafi/