Vetëm Chelsea më shumë – Al Hilal ka tronditur tregun e transferimeve, blerje në vlerë 376 milionë euro

Al Hilal dominon Ligën Saudite me një ‘grusht të hekurt’, si në kampionat ashtu edhe me blerje të lojtarëve.

Skuadra e Jorge Jesus kryeson kampionatin para Al Nassr të Cristiano Ronaldos me shtatë pikë.

Ata janë të pamposhtur dhe kanë grumbulluar 12 fitore radhazi, ndërsa në përgjithësi kanë 17 fitore, dy barazime dhe asnjë humbje, duke grumbulluar 53 pikë.

Ata duan më shumë dhe nuk ndalojnë së forcuari super-skuadrën e tyre me PIF (Fondi Sovran i Investimeve) që u jep krahë financiarë kur ata të duan.

I fundit që zbarkoi në Riad është Renan Lodi. Mbrojtësi 25-vjeçar brazilian, dikur lojtar i Atletico Madrid, kaloi te Al Hilal për 23 milionë euro nga Marseille.

He is here to deliver, to compete..
He is ready 💪🏻#Lodi_Hilali #AlHilal 💙

More to see on our Instagram 📸👇🏻https://t.co/J03i0bdBbe pic.twitter.com/yTG1vIrTEc

— AlHilal Saudi Club (@Alhilal_EN) January 17, 2024

“Në futboll ju duhet të vazhdoni të përpiqeni të forconi veten dhe nuk ka kohë më të mirë për ta bërë këtë sesa kur jeni duke fituar trofe. Ne duhet të përpiqemi gjithmonë të përmirësohemi. Ne kemi sjellë disa lojtarë të mirë dhe mendoj se tifozët do të jenë të emocionuar kur t’i shohin në veprim”, ka thënë Jorge Jesus.

Klubi saudit deri më tani ka investuar 376 milionë euro këtë sezon. Vetëm Chelsea (468 milionë euro) ia kalon. Pas tyre janë PSG (370 milionë euro), Tottenham (272 milionë euro) dhe Man City (241 milionë euro).

Lexo po ashtu Me 200 milionë euro në xhep duke luajtur vetëm tri ndeshje- Neymar i dëmtuar rëndë, por po përjeton festa të çmendura

Al Hilal ka nënshkruar me Neymar (90 milionë euro), Malcom (60 milionë euro), Neves (55 milionë euro), Mitrovic (53 milionë euro), Milinkovic-Savic (40 milionë euro), Koulibaly (23 milionë euro), Bono (21 milionë euro), Tambakti (11. milionë euro 5) dhe tani Lodi (23 milionë euro) për të formuar një njëmbëdhjetë të barabartë me më të mirët në Evropë.

Shumica e futbollistëve që i janë bashkuar Al Hilalit janë në nivelin e Ligës së Kampionëve (apo edhe të Ligës së Kampionëve).

Ata kanë zbarkuar në Kingdom Arena duke kërkuar të dominojnë Arabinë Saudite dhe Azinë.

Lexo po ashtu Trajneri i Al Hilal godet Neymarin, gjersa përmend Cristiano Ronaldon

“Kur më kontaktuan dhe më shpjeguan projektin, më pëlqeu gjithnjë e më shumë. Nuk mund të refuzoja”, kishte treguar për MARCA, Esteve Calzada, CEO i ri i klubit./Telegrafi/