Vendosja e sanksioneve evropiane ndaj naftës ruse rrit çmimin e benzinës në botë

Çmimet mesatare të benzinës kanë arritur një rekord të ri, pas një ndalimi të Bashkimit Evropian për importet e naftës ruse.

Këto çmime kanë shënuar nivele rekord, teksa oferta për benzinë po zbehet në një kohë kur kërkesa ka filluar të rritet.

Kostoja mesatare për të mbushur një makinë familjare 55 litra me benzinë pa plumb tani është mbi 110 euro, me çmimet që ka të ngjarë të vazhdojnë të rriten.

“Vendimi i BE-së për të ndaluar shumicën e importeve të naftës ruse do të bëjë që çmimi për fuçi të rritet. Çmimi me shumicë i benzinës tashmë është rritur për shkak të rritjes së kërkesës, që do të thotë se ka të ngjarë të shohim që çmimet mesatare të benzinës në mjediset e jashtme të rriten në mbi 2 euro për litër brenda disa ditësh”, tha zëdhënësi i RAC, Simon Williams, përcjell Telegrafi.

Lexo po ashtu BE ndalon shumicën e importeve ruse të naftës - por ndërmerr hapa “për të qetësuar” Hungarinë

Ndërkohë, çmimi mesatar i naftës ka të ngjarë të vazhdojë të shkojë drejt 2.30 për litër.

Të hënën mbrëma, udhëheqësit e Bashkimit Evropian ranë dakord të shkurtojnë 90 për qind të importeve të naftës nga Rusia deri në fund të vitit, duke vendosur sanksionin më ndëshkues të bllokut ndaj Moskës që nga pushtimi i saj në Ukrainën fqinje.

Zhvillimi i çoi çmimet e naftës në më shumë se 124 dollarë për fuçi, niveli i tij më i lartë në tre muaj. /Telegrafi/