LAJMI I FUNDIT:

Vëllai i vrau me thikë nusen e vajzën para 12 viteve, shqiptari kompensohet nga Italia me 100 mijë euro

Vëllai i vrau me thikë nusen e vajzën para 12 viteve, shqiptari kompensohet nga Italia me 100 mijë euro

100 mijë euro shpërblim është shifra që kanë vendosur organet kompetente në Itali për të kompensuar Anton Melyshin për humbjen e gruas 24-vjeçare, vajzës 4 vjeçe dhe kunatës 19-vjeçare. Ato u vranë barbarisht nga vëllai i Antonit.

Pas 12 vitesh, Komiteti për Solidaritet për Viktimat nga Krimet e Qëllimshme dhe të Dhunshme në Ministrinë e Brendshme dha vendimin për dëmshpërblimin e viktimës që në këtë rast është Antoni.

Por avokatët e shqiptarit thonë se do të ankimojnë vendimin dhe se do të kërkojnë dëmshpërblim edhe për kunatën e vrarë pasi pretendojnë që paratë janë dhënë vetëm për vrasjen e dy të parave.

Antoni, 30 vjeç, është murator. Në Tetor të vitit 2009 ai doli nga shtëpia si normalisht për të punuar në Stradella, një provincë në Pavia. Por kur u kthye në shtëpi gjeti një tmerr të vërtetë.

Vajza Klaudia, gruaja Rina dhe kunata Ornela ishin therur me thikë.

Krimin e tmerrshëm që i kalon edhe kufijtë e imagjinatës e kishte kryer vëllai i tij, 24-vjeçari i quajtur Alfred.

Femrat e shtëpisë e kishin ftuar atë për drekë në shtëpi ndërsa ai kreu një masakër të vërtetë ndaj tyre.

Në fund tentoi që të vriste veten.

Më pas vrasësi u deklarua me probleme mendore dhe për pasojë nuk u dënua për të paguar dëmet që kishte shkaktuar.

Antoni i ishte drejtuar gjykatave të Romës dhe Ministrisë së Drejtësisë për t’u kompensuar me 250 mijë euro për çdo vrasje sipas ligjit në fuqi.

Në fillim kjo kërkesë ishte refuzuar.

Ndërkohë avokati i Antonit thotë se vendimi i këtij gjykatësi duhej të rikthehej.

Madje sipas tij komiteti në fjalë duhej që të kompensonte me nga 60 mijë euro, tre jetët e humbura./TV Klan

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori