Në Durrës dhe Elbasan po vijon numërimi për nxjerrjen e rezultatit përfundimtar.

Deri më tani në Durrës grupet e numërimit kanë lexuar 417 kuti, ndërsa gjithsej janë për t’u numëruar 460 kuti.

Ndërkaq në qarkun e Elbasanit kanë mbetur edhe 56 kuti votimi të pa numëruara, ndërkohë që procesi vijon normalisht. Nga gjithsej 547 kuti votimi, deri më tash janë numëruar 491 sosh.

Sipas të dhënave të deritanishme në Durrës, Partia Socialiste (PS) ka siguruar 65.964 vota ose 49,58 % që përkthehet në 8 mandate. Pason Partia Demokratike (PD) me 38.515 vota, ose 28,95 % që përkthehet në 4 mandate. Në vendin e tretë renditet Lëvizja Socialiste për Integrim (LSI) me 20.593 vota ose 15,48 % e përkthyer në 2 mandate. Partia Drejtësi, Integrim dhe Unitet (PDIU) numëron 3 980 vota, ose 2,99 % dhe Partia Lista e Barabartë LIBRA) numëron 1 394 vota pse 1,05 %.

Kurse në Elbasan Partia Socialiste prin me 65.010 vota (7 mandate) ose 44,93%, Partia Demokratike 29.627 vota (3 mandate) ose 20,48% dhe Lëvizja Socialiste për Integrim 21.168 vota (2 mandate) ose 4,63%. Partia Drejtësi, Integrim, Unitet ka marrë 25.654 vota (2 mandate) ose 17,73%, Lista e Barabartë ka marrë 1.128 vota ose 0,78%. /Telegrafi/