Valverde ishte ai që e largoi Pochettinon nga Espanyoli, largimi ia hapi rrugën për tu bërë trajner i njohur

Barcelona do të përballet në Wembley me Tottenhamin, ku do të jetë edhe një bashkim mes Ernesto Valverdes dhe Mauricio Pochettinos, por dyshja nuk kanë pasur gjithmonë marrëdhënie të mira.

Të dy trajnerët janë duke trajnuar dy klube të mëdha në nivelin më të lartë dhe kanë kënaqësinë të menaxhojnë lojtarët si Lionel Messi, Harry Kane, Luis Suarez, Christian Eriksen dhe Dele Alli.

Por, 12 vjet më parë, kur Valverde ishte në krye të Espanyolit, një nga vendimet e tij të para ishte ta largonte kapitenin i ekipit, që ishte askush tjetër përveç Pochettinos.

Ky fakt është i njohur edhe në librin e trajnerit argjentinas: ‘Një botë e re’.

“Valverde arriti në Espanyol dhe vendosi se nuk më donte mua, sepse unë isha ai që kontrollonte dhomën e veshjes”.

“Ishte e vështirë për mua që ta pranoj, por kuptova me kalimin e kohës”, shkruan Pochettino në autobiografinë e tij.

Pochettino jo vetëm që e kuptoi vendimin, por në të vërtetë vazhdoi të bënte një zgjedhje shumë të ngjashme, duke u bërë trajner i Espanyolit te femrat.

Lexo po ashtu Nëse trajnerët e Ligës së Kampionëve do të luanin në një skuadër kështu do të dukej formacioni (Foto)

Duke folur ekskluzivisht në MARCA , drejtori sportiv i Espanyol në atë kohë, Paco Herrera , bëri një vlerësim pozitiv të Valverde nga Pochettino.

“Ishte një moment traumatik, por ekipi kishte nevojë për gjëra të reja, kishte mesfushor fundor nga akademia që ishin shumë të fort dhe pastaj gjërat nuk shkuan shumë keq për ne”.

Herrera, tani në krye të Aris në Selanik, gjithashtu e kuptoi se Valverde zbuti rrugën për lamtumirën e Pochettinos, pasi argjentinasi disa muaj më vonë u bë trajner.

“Ai nuk ngurroi shumë ku u rifokusua në jetën e tij, ai kishte përgatitur çdo gjë”.

Megjithëse trajneri i Barcelonës mund të ketë mërzitur Pochettinon , në të njëjtën kohë atij i hapi rrugën për sukses si  trajner.

Lexo po ashtu Zidane, Pochettino e Conte, shtatë menaxherët që mund të zëvendësojnë Mourinhon te Manchester United

Nga ekipi i femrave të Espanyol, Pochettino shkoi në anën e meshkujve, pastaj në Southampton, përpara se ta merrte Tottenhamin, ndërsa ka qenë i lidhur edhe me Real Madridin.

Gjatë gjithë kësaj kohe, ai është përballuar vetëm një herë me Valverden në një lojë zyrtare, ku në El Madrigal Villarreal dhe Espanyol luajtën pa gola. /Telegrafi/