Valverde: Edhe Reali një ditë do të humbasë

Trajneri i Barcelonës, Ernesto Valverde, ka pranuar superioritetin e Real Madridit në Superkupën e Spanjës, edhe pse ai beson se diferencat mes dy ekipeve do të zvogëlohen gjatë sezonit.

Valverde pranon se Reali ishte më i mirë, por ai beson se ekipi i tij do të përmirësohet dukshëm.

“Ne kemi humbur këtë titull, është e vërtetë, por ne kemi nisur më mirë takimin, kemi dominuar. Ne jemi dënuar nga disa gabime, nga pakujdesia. Shumë gjëra do të ndryshojnë në La Liga, pasi Superkupa është fundi i parasezonës”.

Lexo po ashtu Lajmet e fundit rreth Barcelonës

“Ne duhet të jemi më të sigurtë, duhet të fitojmë, duhet të jemi më të saktë në finalizim. Kanë ndodhur disa gjëra në parasezonë që kanë ndikuar në balancin e ekipit”.

“Coutinho gati për Betisin? Nuk e di”.

“Sa i përket transferimeve ne duhet ta balancojmë disa gjëra dhe duhet të ketë disa ndryshime, e trajnerët nuk mund të merren me ato punë, ne duhet të punojmë për rezultate”, tha Valverde.

I pyetur nëse Reali është i pamposhtshëm, ai tha se një ditë edhe Los Blancos do të pësojnë humbje.

“Ajo është tashmë pjesë e të kaluarës, nuk ka ekip i pamposhtshëm, nëse është një gjë e sigurtë në sport ajo është se të gjithë do të humbasin një ditë, kështu edhe Reali”, përfundoi Valverde. /Telegrafi/