Vaksina kundër COVID-19 do të jetë falas për të gjithë në Francë

Franca do të sigurojë vaksinime falas për COVID-19 për të gjithë ata që janë në sistemin e saj të sigurimeve shoqërore dhe ka caktuar 1.5 miliard euro të buxhetit të sigurimeve shoqërore të vitit të ardhshëm për të mbuluar koston, tha të enjten kryeministri Jean Castex.

Sipas medieve të huaja, përcjell Telegrafi, Castex tha se fushata e vaksinimit do të fillonte për disa javë, në pritje të miratimit rregullator nga Agjencia Evropiane e Barnave.

Programi i inokulimit do të vendoset mbi tre kategori njerëzish, tha ai, duke filluar me më të prekshmit në shtëpitë e pleqve në janar.

Pas vaksinimit të një milion njerëzve në janar, ka thënë kryeministri, Franca do të shohë edhe 14 milionë të tjerë duke filluar në shkurt.

“Vaksinimi do të jetë falas për të gjithë”, tha Castex në një konferencë për shtyp.

Ndryshe, siç shkruan France24, Franca ka porositur rreth 200 milionë doza nga kompani të ndryshme farmaceutike që prodhojnë vaksina, tha Castex, të mjaftueshme për të inokuluar 100 milionë njerëz – më shumë se popullsia e Francës.

Vaksinimi për COVID-19 do të jetë vullnetar në Francë dhe Castex siguroi qytetarët se vaksinat e miratuara do të ishin të sigurta.

“Mobilizimi i madh në të gjithë botën ka lejuar zhvillimin e shpejtë të vaksinave. Sidoqoftë, kjo kornizë kohore në asnjë mënyrë nuk do të thotë që ne kemi kompromentuar sigurinë e tyre”, ka thënë më tej kryeministri. /Telegrafi/