Rezultatet e hershme të testimeve sugjerojnë se vaksinat e personalizuara mund të ndalojnë rikthimin e sëmundjes vdekjeprurëse
Një vaksinë e re e zhvilluar duke përdorur të njëjtën teknologji sikurse BioNTech-Pfizer Covid mund të jetë çelësi për kurimin e kancerit pankreatik.
Në rezultatet e provës së hershme e cila është krijuar për të parandaluar kthimin e tumoreve pas operacionit duke përdor teorinë mRNA – gjysma e pacientëve që u vaksinuan i mbijetuan kancerit 18 muaj më vonë, shkruan Independent, përcjell Telegrafi.
Vaksina e zhvilluar nga shkencëtarët që punojnë me firmën farmaceutike BioNTech dhe kompaninë amerikane Genentech, ka rritur shpresat për të gjetur më në fund një kurë për kancerin e zakonshëm më vdekjeprurës, i cili merr jetën e 90 për qind të pacientëve brenda dy viteve nga diagnoza.
Rezultatet e provës novatore, të udhëhequr nga Dr Vinod Balachandran në Qendrën e Kancerit Memorial Sloan Kettering në New York, u prezantuan në konferencën e American Society of Clinical Oncology në Chikago.
Ata treguan se vaksinat e personalizuara mund të trajnojnë sistemin imunitar për të vrarë qelizat e lidhura me kancerin e pankreasit.
Një provë e ngjashme po zhvillohet gjithashtu për kancerin e zorrëve – Moderna, një prodhues tjetër i vaksinës Covid, po zhvillon gjithashtu trajtime mNRA për kancerin dhe sëmundjet autoimune.
Prova e kancerit të pankreasit në fazën e hershme përfshiu 16 pacientë, të cilëve, pas operacionit për të hequr tumorin, në mënyrë intravenoze iu dhanë tetë doza të vaksinës.
Mostrat ishin bërë me porosi për çdo person duke përdorur kodin gjenetik të mRNA që gjendet në tumoret e tyre për të përgatisin qelizat të prodhojnë një proteinë që do të shkaktojë një përgjigje imune.
Kjo i mundëson trupit të zbulojë çdo qelizë kanceroze si një kërcënim dhe qelizat e bardha të gjakut T, që më pas t’i shkatërrojë ato.
Vaksina shkaktoi një përgjigje të qelizave T te gjysma e pacientëve, të cilët të gjithë mbetën pa kancer gjatë gjithë studimit.
Nga tetë pacientët e mbetur që nuk iu përgjigjën vaksinës, gjashtë vdiqën, të tjerëve iu rikthye kanceri. BioNTech tha se rezultatet paraprake treguan “një profil të favorshëm sigurie, si dhe shenja inkurajuese të aktivitetit klinik”.
Prof Özlem Türeci, bashkëthemelues dhe shef mjekësor në BioNTech, tha: “Me vetëm nën 5 për qind të pacientëve që iu përgjigjen opsioneve aktuale të trajtimit, PDAC është një nga kanceret me nevojat më të larta mjekësore të paplotësuara.”
“Ne jemi të përkushtuar ta përballojmë këtë sfidë duke shfrytëzuar kërkimet tona të gjata në vaksinologjinë e kancerit dhe po përpiqemi të hapim terren të ri në trajtimin e tumoreve të tillë që vështirë trajtohen.”
Rezultatet e këtij studimi të Fazës së parë janë inkurajuese. Mezi presim të vlerësojmë më tej këto rezultate të hershme në një studim më të madh eksperimentues.”
Dr Balachandran shtoi: “Ndryshe nga disa nga imunoterapitë e tjera, këto vaksina mRNA duket se kanë aftësinë për të stimuluar përgjigjet imune në pacientët me kancer pankreatik.
Pra, ne jemi shumë të emocionuar për këtë dhe rezultatet e hershme që sugjerojnë se nëse keni një përgjigje imune, mund të keni një rezultat më të mirë.” /Telegrafi/
Promo
Reklamo këtuLufta Prigozhin - Putin
Më shumëNga Rubrika
Hulumtimi ka zbuluar kur është çasti më i mirë për ngjizje: Marrëdhënia seksuale tani për tani bën dallim të madh!
Dr. Rifat Latifi, mori pjesë në demonstrimin e 17-të të Kapaciteteve të STAR-TIDES në kampusin Mason Square të Universitetit George Mason në Arlington, Virxhinia
Si ta hiqni klorin nga uji
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi