Vajzat e Barack Obamës fotografohen në Hollywood – njëra duke pirë cigare, tjetra e mbuluar me shami dhe e veshur çuditshëm

Vajzat e Barack dhe Michelle Obamës, Malia dhe Sasha, kanë shkëmbyer jetën në Shtëpinë e Bardhë me dritat e ndritshme të Hollywoodit, pasi u zhvendosën në Bregun Perëndimor.

Të dyja vajzat e Obamës u fotografuan në Los Angeles këtë javë, me motrën më të madhe Malia e cila u pa duke bërë një pushim jashtë punës së saj dhe duke pirë duhan dhe motra e vogël, Sasha, duke treguar shijet e saj të modës në një shëtitje nëpër Qytetin e Engjëjve – ku po përfundon arsimin e saj universitar, pasi u transferua nga Universiteti i Miçiganit në një shkollë në Kaliforni.

Në fillim të këtij viti, u raportua se Malia, 23 vjeçe, kishte marrë një pozicion në stafin e shkrimit të një projekti të ri të kompanisë Amazon nga Donald Glover, dhe ajo duket se ka qenë në një pauzë të shkurtër nga puna e saj dje kur doli jashtë për një cigare.

Ish-vajza e parë e ShBA-së, e veshur me një pulovër të verdhë dhe pantallona jeshile, shikoi telefonin e saj dhe fryu për disa çaste nën diellin e Bregut Perëndimor.

Ndërkohë, Sasha, 20 vjeçe, po e shijonte stilin e jetës së Los Angelesit, duke u veshur me një ansambël të çuditshëm, përkatësisht një palë tuta mbi një bluzë pa mëngë dhe një triko me zinxhirë, e cila ishte e ngritur për të vënë në dukje pak nga barku i saj.

Megjithëse Sasha u diplomua në Universitetin e Miçiganit në vitin 2019, një burim zbuloi për DailyMail se ajo është transferuar në një shkollë tjetër në Los Angeles, me thashethemet që po qarkullojnë në rrjetet sociale se ajo tani është studente në Universitetin e Kalifornisë Jugore.

Vajzat e Obamës janë larguar kryesisht nga qendra e vëmendjes, veçanërisht që kur babai i tyre u largua nga Shtëpia e Bardhë në fillim të vitit 2017.

Muaj më vonë, Malia – e cila kishte marrë një vit pushim nga shkolla – u regjistrua në Universitetin e Harvardit, nga i cili u diplomua në pranverën e vitit 2021.

Lexo po ashtu Barack Obama nis pushimet e Krishtlindjeve me familjen në Hawaii, fotografohet duke shijuar detin dhe motin e ngrohtë

Ajo kishte shfaqur prej kohësh një interes për realizimin e filmave – ajo u internua në xhirimet e “Extant” në shkollë të mesme dhe me The Weinstein Company në vitin 2017 – dhe tani po punon në një projekt të paidentifikuar për kompaninë Amazon në Los Angeles.

Të martën, ajo u fotografua jashtë në Los Angeles, e veshur për mot relativisht të freskët me një pulovër të verdhë të ndezur me një zinxhir në pjesën e sipërme. Ajo e veshi atë mbi pantallona të gjelbra të shkurtra dhe sandale të zeza, gjersa kishte vënë edhe një palë syze dielli dhe mbante një çantë dore

Ajo u pa në një kafene duke punuar në atë që dukej si skenar përpara se të bënte pinte një cigare jashtë. Më pas ajo u takua me një mike fotografe, e cila i bëri disa fotografi me aparatin e saj.

Prania e Sashës në të njëjtin qytet mund të jetë befasi për disa, pasi ajo jetonte më parë në Michigan, ku edhe vijonte studimet në kolegj.

Prindërit e saj sigurisht u panë duke e lënë atje në vitin 2019, dhe disa studentë të tjerë raportuan se e kishin parë në kampus.

Sidoqoftë, ajo duket se ka marrë vendimin për t’u transferuar në një moment gjatë pandemisë, megjithëse është e paqartë nëse e bëri këtë për vitin e dytë në vitin 2020 ose vitin e saj të ri në 2021.

Biseda në Twitter nga nëntori tregon se ajo mund të jetë transferuar në USC. Duke iu përgjigjur një postimi të fshirë që nga ajo kohë, një përdorues i Twitter-it pohoi: “Sasha u largua nga Michigan për në USC”.

Nëse Sasha, në fakt, transferoi, shokët e saj të klasës me siguri duket se po respektojnë privatësinë e saj, pasi lëvizja është mbajtur mjaft nën radar.

DailyMail kontaktoi një zëdhënës për media të familjes Obama, i cili nuk pranoi të komentojë.

Sasha duket se ishte në kampusin e USC në fotografitë e së martës, të cilat tregonin dikë që kishte veshur një bluzë për shkollën në sfond.

Ajo u fotografua, megjithatë, jo në frymën e shkollës, por e veshur me një ansambël eksperimental i përbërë nga një përzierje printesh dhe ngjyrash.

Dukja e saj filloi me një bluzë pa mëngë në ngjyrë të gjelbër të çelur me vepra arti në pjesën e përparme, duke e kombinuar atë me një pulovër me zinxhir të përbërë nga një dizajn lara-lara me printime të ndryshme.

Ajo nuk u kursye as për aksesorët, duke shtuar një shall të gjelbër të stampuar në kokë, gjerdan me rruaza shumëngjyrëshe, vathë të varur, atlete shumëngjyrëshe dhe një çantë me ngjyra të ylberit.

Sasha u fotografua për një shëtitje me Apple AirPods në vesh, por u ndal në një moment për t’u ulur dhe për të përdorur Macbook-un e saj në prehër, ndërkohë që shikonte në të njëjtën kohë iPhone-in e saj.

Sigurisht, Sasha e kishte më të lehtë të fluturonte për në Hawaii nga Los Angelesi sesa nga Miçigani kur familja u ribashkua atje për pushimet e tyre vjetore në Hawaii gjatë Krishtlindjeve dhe Vitit të Ri. /Telegrafi/