Ushtrimet për muskujt e barkut kurrë nuk janë të mjaftueshme – ndërkaq tash radhën e kanë ushtrimet me topin e vogël.
Edhe për rëndësinë shëndetësore të muskujve të barkut tashmë kemi shkruar, andaj këtë herë po e plotësojmë që ata të mbrojnë organet e brendshme, të ndihmojnë funksionet e rëndësishme jetësore siç janë frymëmarrja, andaj edhe kanë rol të rëndësishëm në stabilizimin dhe lëvizshmërinë e boshtit kurrizor, transmeton Telegrafi.
Me një top të vogël që nuk kushton shumë tashmë mund të ushtrojmë. Gjatë dy ushtrimeve të para me siguri do të ndieni pak jostabilitet, mirëpo do të shpërbleheni me rezultate.
Kini kujdes që ushtrimet në mënyrë të drejtë t’i bëni: mos i lëvizni kërdhokullat (më mirë zvogëloni perimetrin e lëvizjeve, ndërkaq kur të mësoheni dhe t’i forconi, mund të rrisni lëvizjet).
Po e tepruat, nuk do t’i përmirësoni rezultatet, por vetëm do t’i ekspozoheni më shumë lëndimeve.
Derisa jeni duke i bërë ushtrimet duke qëndruar shtrirë në shpinë, kini kujdes që pjesa e poshtme e shpinës të mos ngrihet nga dyshemeja, ndërkaq barku të jetë i tërhequr brenda.
Në ushtrimin e tretë, kur jeni të mbështetur në pjesën e poshtme të shpinës në top, kini kujdes që shpina që të jetë në atë formë që të ruheni të mos lëndoheni.
Nëse ushtrimi ju duket tepër i rëndë, apo keni probleme me shpinën, kalojeni këtë ushtrim.
Në ushtrimin e fundit, pa marrë parasysh që jeni shtrirë anash, forconi muskujt anash barkut, ndërsa topi ndihmon që të merrni pozitë më të lehtë dhe më të drejtë (shpina patjetër duhet të jetë në pozitë të rrafshët).
Natyrisht, këto vërejtje assesi nuk do t’ju dekurajojnë sepse ushtrimet vërtet nuk janë të rënda dhe të komplikuara. Ushtroni rregullisht, por pa e tepruar.
Ushtrimi i parë:
Shtrijuni në shpinë. Këmbët të jenë të shtrira dhe të bashkuara, thembrat mbi top, shuplakat pas kokës.
Ngrini gjoksin dhe njëkohësisht tërhiqni këmbët duke rrotulluar topin (kërdhokullat nuk bën të lëvizen). Përsëriteni 10 deri në 15 herë.
Ushtrimi i dytë:
Vazhdoni të qëndroni në shpinë. Shputa e këmbës së djathtë të jetë mbi top, këmba e lakuar, shuplakat pas kokës. Shputa e këmbës së majtë të mbështetet në gjurin e këmbës së djathtë.
Ngrini gjoksin… dhe rrotullojuni nga beli, duke tërhequr krahun e dorës së djathtë në drejtim të gjurit të këmbës së majtë. Përsëriteni këtë ushtrim 10 herë dhe pastaj bëjeni me këmbën tjetër.
Ushtrimi i tretë:
Uluni. Pjesën e poshtme të shpinës mbështeteni mbi top. Këmbët të jenë të shtrira.
Tërhiqni këmbët në drejtim (mbigjuri dhe nëngjuri janë në pozitë të këndit të drejtë). Kthehuni në pozitën fillestare, por nëse e keni tepër të vështirë, mbajini këmbët të lakuara në pozitën fillestare. Përsëriteni 10 herë.
Ushtrimi i katërt:
Shtrijuni në krah (anash) dhe mbështetuni në dorën e shtrirë. Shpina të jetë në pozitë të rrafshët, ndërsa këmbët të shtrira dhe pak para pjesës së sipërme të trupit. Topi të jetë në mes të shputave.
Ngrini këmbët nga dyshemeja (mos e teproni) Shpina duhet të jetë në pozitë të rrafshët, ndërsa kërdhokullat njëri mbi tjetrin. Përsëriteni 10 herë, pastaj kaloni në anën tjetër.
Pushim:
Shtrijuni në shpinë dhe tërhiqni gjunjët në drejtim të gjoksit. Çlirohuni duke qëndruar në atë pozitë sa të dëshironi. /Telegrafi/
Lufta Prigozhin - Putin
Më shumëNga Rubrika
Si kultivohen gladiolat: Lulet të gjata, të cilat zbukurojnë kopshtet më të bukura
Trajneri i Taylor Swift ndan sekretet e saj të fitnesit për të ushtruar si ‘atlete profesioniste’
Bëhuni gati për një enigmë që do t’ju lodhë: A mund ta “thyeni kodin” në 25 sekonda?
Top pesë pozicionet në shtrat që femrat nuk mund t’i imagjinojnë!
A e keni ditur se për çfarë shërben pjesa metalike në letrën e sallamit, kjo video po bën xhiron në internet
Horoskopi vjetor 2024 - një kohë e fillimeve dhe mundësive të reja!
Madhësia mesatare e penisit: A e keni penisin të madhësisë normale?
Luani: Horoskopi vjetor për 2024
Bëhuni gati për një enigmë që do t'ju lodhë: A mund ta "thyeni kodin" në 25 sekonda?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën