Ushtria izraelite vazhdon me sulme në Liban – momenti kur goditet një ndërtesë në Bejrut

Izraeli ka kryer një sulm të ri ajror në Liban, kësaj radhe duke pasur në shënjestër zonat në pjesën jugore të kryeqytetit, Bejrut.

Sulmet ajrore ndodhën pas deklaratës së ushtrisë izraelite, e cila tha se kishte kërkuar evakuimin e disa vendbanimeve.

Përveç periferisë së kryeqytetit libanez, ushtria izraelite njoftoi se gjatë natës kishte bërë thirrje për evakuim të disa zonave në jug të vendit.

The Israeli airforce keeps hitting Hezbollah targets in Lebanon.

This video shows a strike this morning against the Hezbollah stronghold in Dahieh suburb in Beirut pic.twitter.com/Z6k4zJUCMR

— Visegrád 24 (@visegrad24) November 22, 2024

Lidhur me këto sulme, ushtria izraelite sqaroi se kishte dërguar paralajmërime për evakuim për tre ndërtesa në pjesët jugore të Bejrutit, si dhe në qytetet Maashouq dhe El-Shemali.

Ndërkohë, gjatë natës pati shkëmbime zjarri, dhe Hezbollahu deklaroi se kishte lëshuar disa raketa drejt zonës së Haifës.

“Pjesëtarët e Hezbollahut ndërmorën një sulm ajror me një skuadron dronësh sulmues kundër një baze detare në Haifa, e cila i përket Marinës Ushtarake të Izraelit dhe përfshin një flotë nëndetësesh. Baza ndodhet 35 kilometra larg kufirit, në veri të qytetit Haifa. Të gjitha objektivat u goditën me saktësi”, thuhet në deklaratë. /Telegrafi/