LAJMI I FUNDIT:

Ushqimet e përpunuara që e dëmtojnë bukurinë tuaj: Ndikojnë në gjendjen e lëkurës, flokëve dhe thonjve

Ushqimet e përpunuara që e dëmtojnë bukurinë tuaj: Ndikojnë në gjendjen e lëkurës, flokëve dhe thonjve
(Foto: Pexels)

Thënia e zakonshme “ju jeni ajo që hani” mbështetet nga shumë ekspertë mjekësorë, të cilët theksojnë lidhjen e drejtpërdrejtë mes dietës dhe gjendjes së lëkurës, flokëve dhe thonjve.

Disa lloje ushqimesh mund të shkaktojnë probleme me lëkurën dhe flokët, ndërsa nutricionistët theksojnë se duhet të keni kujdes kur i konsumoni ushqimet e mëposhtme:

Buka e bardhë – Me kalimin e moshës, shumë prej nesh fillojnë të vërejnë shenja të rënies dhe rrallimit të flokëve. Hollimi i flokëve mund të shkaktohet nga një sërë arsyesh, duke përfshirë gjenetikën, mangësitë ushqyese apo edhe faktorë të jashtëm, si stilimi.

Ndërkohë që në radhë të parë rekomandohet një vizitë te një dermatolog, ka disa ushqime që mund t’i shmangni ndërkohë që dihet se e përkeqësojnë këtë problem. Ngrënia e bukës së bardhë herë pas here nuk do të shkaktojë humbje të menjëhershme të flokëve, por nëse dietës suaj i mungojnë lëndët ushqyese thelbësore, si riboflavina, biotina, folati dhe vitamina B12 dhe ju hani kryesisht ushqime të përpunuara, kjo nuk do t’u bëjë asnjë favor flokëve tuaj.

Kur bëhet fjalë për shëndetin e flokëve, ushqimet si buka e bardhë, makaronat dhe orizi kanë një indeks të lartë glikemik, i cili mund të shkaktojë inflamacion dhe të çojë në tharje dhe thyerje – transmeton SheFinds.

Flokët ju yndyrosen shpejt? Çfarë mund t'ju ndihmojë të shpëtoni nga ky problem i pakëndshëm
Lexo po ashtu Flokët ju yndyrosen shpejt? Çfarë mund t'ju ndihmojë të shpëtoni nga ky problem i pakëndshëm

Patatinat – Patatinat janë të njohura për sasinë e lartë të kripës dhe gjithashtu përmbajnë një sasi të konsiderueshme sheqeri. Kur ka një tepricë të kripës dhe glukozës në trup, ndërlidhet me kolagjenin dhe elastinën (proteina që i japin lëkurës tonë qëndrueshmëri dhe elasticitet). Marrja e sasive të mëdha të sheqerit dhe kripës forcon proteinat e lëkurës, duke e bërë lëkurën tuaj më të dobët, më të hollë dhe më pak të hidratuar. Për shkak të kësaj, mund të krijohet lëkurë e inflamuar, e skuqur, ënjtje dhe rrudha të parakohshme.

Ushqimet e konservuara të kripura – ushqimet e konservuara me sasi të lartë kripe duhet të lihen gjithashtu në raftet e dyqaneve nëse qëllimi juaj është t’i jepni përparësi lëkurës së shndritshme, të shëndetshme dhe me shkëlqim. Ushqimet e kripura dehidratojnë trupin, kjo bën që lëkura të prodhojë më shumë vaj për ta kompensuar. Ushqimet e konservuara përmbajnë përbërës që janë në listën e ushqimeve më të këqija për lëkurën e prirë ndaj akneve.

Produktet e qumështit – Hulumtimet shkencore tregojnë se ushqimi ndikon në prodhimin e yndyrës në lëkurën tonë. Produktet e qumështit në veçanti shkaktojnë lëkurë më të yndyrshme. Megjithëse marrja e mjaftueshme e vitaminës D dhe kalciumit çdo ditë është thelbësore për shëndetin tuaj të përgjithshëm, dietologët paralajmërojnë se produktet e tepërta të qumështit mund të shkaktojnë një ten edhe më të yndyrshëm, pa shkëlqim dhe të bllokuar.

Kurseni kohë me truket për tharje të shpejtë të flokëve
Lexo po ashtu Kurseni kohë me truket për tharje të shpejtë të flokëve

Brumërat e ëmbla për mëngjes – Brumërat e mëngjesit ose ushqime të tjera që vijnë në qese plastike ose mbështjellëse të mbyllura, janë në mesin e ushqimeve që duhen anashkaluar nëse doni të shmangni yndyrën dhe aknet. Këto ushqime ultra të përpunuara duhet të kufizohen dhe të anashkalohen sa herë që është e mundur nëse keni shpesh lëkurë të prirë ndaj akneve ose pa shkëlqim. Karbohidratet e rafinuara (shpesh të gjetura në ushqimet e padëshiruara) rrisin nivelet e sheqerit duke e çuar prodhimin yndyrës me tepricë.

Drithërat me sheqer – Ashtu si karbohidratet e rafinuara, drithërat me sheqer gjithashtu mund ta përkeqësojnë rrallimin e flokëve dhe plakjen e parakohshme të lëkurës. Shumë drithëra të përpunuara përmbajnë sasi të mëdha sheqeri që mund të çojnë në humbje më të shpejtë të flokëve dhe rrudhosje të lëkurës. Konsumimi i tepërt i sheqerit të rafinuar shkakton dëmtim të brendshëm të proteinave të kolagjenit dhe elastinës. Kjo redukton integritetin dhe elasticitetin e lëkurës, duke e bërë atë të prirë ndaj dehidrimit dhe rrudhave. /Telegrafi/


Në trend Femra

Më shumë
Filtri që po

Filtri që po "tmerron" përdoruesit në TikTok - a dukemi me të vërtetë kështu siç na paraqet ky efekt në platformë?

Femra
Romantike, elegante: Disa ide për të marrë frymëzim se si të veshësh fundin me tyl

Romantike, elegante: Disa ide për të marrë frymëzim se si të veshësh fundin me tyl

Keshilla Modë
Metoda sekrete të grimit, për t'i bërë sytë të duken më të mëdhenj

Metoda sekrete të grimit, për t'i bërë sytë të duken më të mëdhenj

Femra
Si ta zgjosh fantazinë e çdo mashkulli

Si ta zgjosh fantazinë e çdo mashkulli

Në çift
Qindra emra shqiptarë dhe ilirë për fëmijën tuaj

Qindra emra shqiptarë dhe ilirë për fëmijën tuaj

Bebja këtu
“Është shtatë muajsh dhe tashmë ecën”: Kur mund të qëndrojë një bebe në këmbë?

“Është shtatë muajsh dhe tashmë ecën”: Kur mund të qëndrojë një bebe në këmbë?

Këshilla për prindër
Kalo në kategori