LAJMI I FUNDIT:

Ukraina përzien politikën për ndeshjet me Kosovën

Ukraina përzien politikën për ndeshjet me Kosovën

Ukraina e ka bërë çështje politike përballjen me Kosovën në kuadër të kualifikimeve për kampionatin botëror të futbollit “Rusia 2018”.

UEFA më herët këtë muaj e vendosi Kosovën në Grupin I të kualifikimeve, pasi Kosova muajin e kaluar ishte pranuar në UEFA dhe FIFA dhe i ishte dhënë e drejta të garojë në ciklin e ardhshëm eliminator.

Në Grupin I bëjnë pjesë Kroacia, Finlanda, Islanda, Kosova, Turqia e Ukraina. Vetëm Ukraina prej vendeve anëtare në grup, nuk e njeh Kosovën, shkruan Koha Ditore.


Sipas kalendarit zyrtar të kualifikimeve, të publikuar në sajtin e UEFA-s, Kosova me Ukrainën do të përballet në udhëtim më 9 tetor, ndërsa në shtëpi më 6 tetor të vitit 2017. Por Ukraina me jithë faktin se ka dhënë lajmin për përfshirjen e Kosovës në grup, nuk i ka paraqitur ndeshjet me të në kalendarin e publikuar në sajtin e Federatës ukrainase të Futbollit (FFU).

FFU lidhur me ndeshjet me Kosovën po e pret një qëndrim të Ministrisë së Punëve të Jashtme të Ukrainës, së cilës tashmë ia ka drejtuar një letër.

Është i pari i futbollit ukrainas, Andriy Pavelko, që ka bërë të ditur se Federata po e pret një qëndrim të Ministrisë.

“Pavelko ka thënë se FFU tashmë i ka shkruar Ministrisë së Punëve të Jashtme dhe e ka pyetur sesi të veprojë në këtë situatë. Qëndrim zyrtar nga Federata për këtë nuk ka”, ka shkruar sajti ukrainas “footboom.com”. Media tjera ukrainase kanë shkruar për mundësinë që dy ndeshjet të luhen në terren neutral.

Në fakt Federata e Ukrainës nuk ka pasur ndonjë qëndrim shumë negativ ndaj futbollit kosovar. Në janar, U-21 e Ukrainës kishte luajtur ndaj U-21 të Kosovës në një turne në Turqi. Kishte fituar 2:0, ndërsa në Ukrainë kishte pasur zëra kritikë për përballjen me Kosovën, por jo edhe nga Federata.

Ukraina u paraqit në “Euro 2016”, ndërsa mbeti e fundit në Grupin C, pas Gjermanisë, Polonisë e Irlandës së Veriut. Katër prej pesë kundërshtarëve të Kosovës ishin në Evropian. Vetëm Finlanda jo. Kosova ndeshjen e parë e luan pikërisht ndaj Finlandës, më 5 shtator në Turku.

Në trend Sport

Më shumë
Sensacioni i Dortmundi humbet fluturimin me ekipin e parë për në Paris për shkak të provimeve të shkollës së mesme

Sensacioni i Dortmundi humbet fluturimin me ekipin e parë për në Paris për shkak të provimeve të shkollës së mesme

Liga e Kampionëve
Edon Zhegrova realizoi gol

Edon Zhegrova realizoi gol "alla Messi" kundër Lyonit - por Fonseca i kërkon falje për atë që i bëri gjatë ndeshjes

Ligue 1
Lajme të mira nga infermieria për Bayernin – tre yjet kthehen nga lëndimi për ndeshjen me Real Madridin

Lajme të mira nga infermieria për Bayernin – tre yjet kthehen nga lëndimi për ndeshjen me Real Madridin

Liga e Kampionëve
Paul Pogba po e lë përfundimisht futbollin? Ai ka nisur karrierën e re në një profesion tjetër

Paul Pogba po e lë përfundimisht futbollin? Ai ka nisur karrierën e re në një profesion tjetër

Ndërkombëtare
Bisedimet kanë nisur, Jose Mourinho befason të gjithë me skuadrën e tij të re

Bisedimet kanë nisur, Jose Mourinho befason të gjithë me skuadrën e tij të re

Ndërkombëtare
Po e kërkon e gjitha Evropa, sensacioni i River Plates ka vendosur të luajë për Real Madridin

Po e kërkon e gjitha Evropa, sensacioni i River Plates ka vendosur të luajë për Real Madridin

La Liga
Kalo në kategori