LAJMI I FUNDIT:

“UBO Consulting”: Sondazhi për partitë politike ishte pjesë e OMNIBUS-it

“UBO Consulting”: Sondazhi për partitë politike ishte pjesë e OMNIBUS-it

Kompania vendore “UBO Consulting” përmes një njoftimi për media ka thënë se sondazhi për partitë politike është bërë nga OMNIBUS.

“Ky shërbim (OMNIBUS-i) është metodë sasiore e mbledhjes së të dhënave, ku të dhënat mbi çështje të ndryshme mblidhen në një anketë të vetme. Në këtë mënyrë, OMNIBUS paraqet metodë hulumtuese ku shpenzimet e hulumtimit ndahen në mes të klientëve të ndryshëm. Një hulumtim i tillë përmes OMNIBUS-it, zhvillohet nga UBO Consulting në baza të rregullta tre mujore”, thuhet në njoftimin për media.


Më tej thuhet se agjencioni UBO Consulting, i dorëzon rezultatet e pyetjeve specifike për secilin klient, duke mbrojtur privatësinë dhe konfidencialitetin mbi pyetjet dhe rezultatet e secilit klient.

“Konkretisht, UBO Consulting nuk i bën publike rezultatet nga shërbimi OMNIBUS në asnjë rrethanë, pasi që ato informata janë në pronësi të klientëve. Njëri nga klientët e përfshirë në këtë cikël të OMNIBUS-it ka qenë Lëvizja VETËVENDOSJE, e cila ka kontraktuar një numër të caktuar të pyetjeve”, është thënë në njoftim.

Më poshtë po ua sjellim të plotë sqarimin e “UBO Consulting”

Me qëllim të informimit të drejtë, dëshirojmë të njoftojmë publikun që disa nga rezultatet e sondazhit për preferencat politike të prezantuara në mediat elektronike me datë 24.09.2016, kanë qenë pjesë e shërbimit të rregullt hulumtues të titulluar OMNIBUS. Ky shërbim (OMNIBUS-i) është metodë sasiore e
mbledhjes së të dhënave, ku të dhënat mbi çështje të ndryshme mblidhen në një anketë të vetme. Në këtë mënyrë, OMNIBUS paraqet metodë hulumtuese ku shpenzimet e hulumtimit ndahen në mes të klientëve të ndryshëm. Një hulumtim i tillë përmes OMNIBUS-it, zhvillohet nga UBO Consulting në baza
të rregullta tre mujore. Metodologjia e zhvillimit të OMNIBUS-it, është në linjë me standardet dhe parametrat statistikor, për matjen e perceptimit të qytetarëve mbi çështje të ndryshme socio-ekonomike dhe politike. Për përcaktimin e mostrës në këtë hulumtim është përdorur teknika e “mostrës së shtresuar me përzgjedhje të rastësishme”, duke përdorur teknikën e përzgjedhjes bazuar në datëlindjen e parë më të afërt për personat mbi moshën 18 vjeç. Mostra e OMNIBUS-it, ndahet në grupe më të vogla që njihen si shtresa – bazuar në karakteristikat e përbashkëta të pjesëtarëve të këtyre shtresave. Shtresimi i parë: është bërë në bazë të përkatësisë etnike, ku janë krijuar tri nën-grupe të ndryshme. Shtresimi i dytë: është bërë në bazë të vendbanimeve. Për secilën komunë është bërë shtrirja e mostrës në pjesët urbane dhe rurale, sipas statistikave zyrtare të Agjensionit të Statistikave të Kosovës. Shtresimi i tretë: është bërë në bazë të numrit të anketave të realizuara në secilin vendbanim (pikë startuese). Hulumtimi i opinionit publik përmes metodës OMNIBUS, bëhet me mostër prej 1065 të anketuarve në nivel vendi dhe ka nivel të besueshmërisë prej 95% me margjinë të gabimit prej +-3%. Në kuadër të OMNIBUS-it të tretë me radhë për këtë vit, të zhvilluar në periudhën 3 deri më 14 Shtator 2016, kanë marrë pjesë disa klient të ndryshëm, fokusi i të cilëve ka qenë për tema të ndryshme socioekonomike dhe politike. Agjencioni UBO Consulting, i dorëzon rezultatet e pyetjeve specifike për secilin klient, duke mbrojtur privatësinë dhe konfidencialitetin mbi pyetjet dhe rezultatet e secilit klient. Konkretisht, UBO Consulting nuk i bën publike rezultatet nga shërbimi OMNIBUS në asnjë rrethanë, pasi që ato informata janë në pronësi të klientëve. Njëri nga klientët e përfshirë në këtë cikël të OMNIBUS-it ka qenë Lëvizja VETËVENDOSJE, e cila ka kontraktuar një numër të caktuar të pyetjeve. Agjencioni UBO Consulting gjatë periudhës shumëvjeçare ka kryer një numër të madh të hulumtimeve në fushën e matjes së opinionit publik dhe atë për organizata të ndryshme ndërkombëtare, OJQ, parti politike, biznese, mediume dhe donatorë. Agjensioni UBO Consulting ka ruajtur pavarësinë profesionale duke respektuar etikën e punës, kriteret profesionale dhe shkencore, dhe përgjegjësinë personale ndaj klientëve. Tregues më i mirë i kësaj është numri i madh i klientëve të kënaqur me punën tonë dhe numri i madh i anketave të zhvilluara përgjatë viteve.

Në trend Lajme

Më shumë
Dita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende

Dita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende

Lajme
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij

Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij

Kronika e Zezë
“Ushtria digjitale” e Kurtit në front kundër gazetarëve

“Ushtria digjitale” e Kurtit në front kundër gazetarëve

Lajme
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të

Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të

Kronika e Zezë
Anëtarësimi i Kosovës në KiE-së, Kosova dhe Zvicra mbajnë takimin konsultativ

Anëtarësimi i Kosovës në KiE-së, Kosova dhe Zvicra mbajnë takimin konsultativ

Lajme
Rama: Spitali i Kryeqytetit po bëhet, shumë shpejt projekti do të tenderohet

Rama: Spitali i Kryeqytetit po bëhet, shumë shpejt projekti do të tenderohet

Lajme
Kalo në kategori