U shtir si shtatzënë për të mos paguar para shtesë për rrobat që i fshehu në trup, kapet në sekondën e fundit nga punonjësi i aeroportit

Një vajzë nga Australia ka zbuluar një metodë të pazakontë për të gjithë ata që udhëtojnë shumë me aeroplan dhe nuk duan të paguajnë para shtesë për valixhet, duke veshur rroba të “veçanta” brenda të cilave fut të tjera duke u shtirur kinse është shtatzënë.

Rebecca Andrews që e kishte të lejuar me çmim të biletës ta ketë vetëm një valixhe që peshon vetëm shtatë kilogramë, ka zbuluar metodën që i ndihmon të marrë me vete edhe rroba tjera pa pasur nevojë të paguaj para shtesë, transmeton Telegrafi.

Ajo po udhëtonte nga Melbourne për në Sydney, kështu vendosi që laptopin ta fsheh në trup më saktësisht në shpinë, ndërsa rrobat tjera t’i fsheh në bark dhe të shtiret kinse është shtatzënë.

Megjithatë jo gjithçka shkoi siç e kishte planifikuar ajo, pasi punonjësit e aeroportit vërejtën një formë të pazakontë të shpinës së saj kur u përkul për ta marrë valixhen.

Kur u pyet nëse po fsheh diçka, ajo në fund u detyrua të pranojë se dëshironte të kursente të holla, por në fund është detyruar të paguaj edhe 60 dollarë shtesë për gjësendet që nuk i kishte deklaruar. /Telegrafi/