U mbajt edicioni i dytë i Javës së Modës Shqiptare në New York!

Edhe këtë vit u mbajt Java e modës Shqiptare në Shtetet e Bashkuara të Amerikës, ku dizajnerët shqiptare të modës paraqiten punimet e tyre të veshjeve para dhjetëra shqiptarëve, por edhe të huajve në New York.

Në këtë festival u prezantuan rreth 100 veshje të dizajnuara nga Ardi Aslani, Kadrije Brestofci, Jehona Bunjaku, Dashurie Elshani, Flora Select, Aferdita Adela dhe Aida Selimaj.

Të pranishëm ishin edhe mediet e huaja dhe stilistë që ndjekin këtë ngjarje për të mësuar më shumë rreth modës shqiptare.

Koleksionet e prezantuara janë pritur shumë mirë nga pjesëmarrësit dhe të gjithë ata që ndoqën ngjarjen live nëpërmjet rrjeteve sociale.

Ngjarjen e ndoqën edhe përfaqësuesit nga: National Association of Buyers & Selers, National Fashion Accessories Association, Professional Association Of Custom Clothiers.

E veçanta e këtij edicioni ishte edhe festa e javës së modës ku kishte mysafir shumë të veçantë, ku për argëtimin e tyre u përkujdes edhe rap-grupi i famshëm Etnon.

Të pranishëm në këtë ngjarje ishte edhe Ambasadorja e Shqipërisë në KB, Besiana Kadare dhe Ambasadorja e Kosovës në NY, Teuta Sahatqia.

Në këtë ngjarje kishte edhe njerëz të tjerë që merren me grimin si Shqipe Namani, Shqipe Gjocaj, Besiana Hoti dhe Enlireta Elshani dhe stilistët e flokëve Nazim Salihu, Hana Merdita dhe Naser Behluli.

Organizatorja e kësaj ngjarje Mrika Krasniqi në një prononcim për Telegrafin ka thënë që, ngjarje si kjo do të ketë shumë, së shpejti mbahet edhe edicioni i 6-të i Javës së filmit Shqiptar në NY, ku komuniteti do të ketë mundësi të shikojë filma shqiptar në kinematë e kësaj kryeqendre botërore!

/Telegrafi/