Një italiane është filmuar duke sulmuar një pasagjere tjetër, pas një fjalosje për shkak të maskës mbrojtëse gjatë fluturimit nga Ibiza në drejtim të Milanos.

Gruaja fillimisht mllefin e shfryu mbi ekuipazhin e aviokompanisë Ryanair, dhe më pas iu vërsul një gruaje që po udhëtonte dhe që ishte jo larg saj, transmeton Telegrafi.

Megjithatë ky veprim i kushtoi shtrenjtë asaj, pasi autoritetet e rendit janë detyruar të ndërhyjnë duke e nxjerrë zvarrë jashtë fluturakes.

Gjithçka nisi kur stjuardesat u kërkuan pasagjerëve të vendosin maskat gjatë fluturimit, për të parandaluar përhapjen e COVID-19.

Aty shpërtheu italiania e cila filloi të shaj e fyej stafin, dhe më pas vazhdoi me sulm fizik ndaj një gruaje që duket se mbështeste kërkesat e stafit për bartje të maskës. /Telegrafi/

Reklama
Reklama