U fut në lumin e ngrirë të Miçiganit për ta shpëtuar qenin, policët mezi arritën ta shpëtojnë burrin (Video)

Policia e Çikagos ka publikuar një video, ku shihen duke shpëtuar një burrë që ishte futur në lumin e ngrirë të Miçiganit  për ta shpëtuar një qen dhe kishte ngecur në ujë.

Incidenti ka ndodhur në javën ku temperaturat kanë rënë në mënyrë ekstreme në SHBA e 33-vjeçari injoroi këtë fakt duke u futur në lumin e ngrirë për ta shpëtuar qenin e tij Pick, transmeton Telegrafi.

Kush e di se çfarë do të ndodhte me këtë burrë po të mos e kishte parë një grua e cila kishte dalë për të shëtitur dhe menjëherë kishte telefonuar ekipet emergjente.

Me të dalë në vendin e ngjarjes, policia dhe ekipet emergjente kanë bërë të pamundur për ta nxjerr nga uji burrin që ishte futur për ta shpëtuar qenin.

“Bërtiste më ndihmoni. Jemi detyruar të ecim në gjunjë nëpër sipërfaqen e ngrirë të ujit me qëllim që ta shpëtojmë”, ka deklaruar polici Miguel del Toro para gazetarëve.

Pronari i qenit ishte dërguar me urgjencë në spital, ku i është dhënë ndihma e parë. Raportohet se ia ka shkruar një letër policëve të cilët i falënderon që e shpëtuan atë dhe qenin e tij. /Telegrafi/