Trupi gjykues ka dalur për herë të parë në vendin ku rreth shtatë vjet më parë ishte gjetur trupi i pajetë i Donjeta Pajazitaj. Bjeshkët e Strellcit të Deçanit, si dhe disa rrugë të këtij fshati, kanë qenë vendi ku janë kryer shumë ekzaminime gjatë ditës. I pranishëm ka qenë edhe i dyshuari kryesor, Naser Pajazitaj, si dhe familjarë të Donjetës.
Nga qelia e Qendrës së Paraburgimit në Gjilan, Naser Pajazitaj mëngjesin e së mërkurës është sjellur në fshatin Strellc të Deçanit.
Ai po përballet me vendin, ku dyshohet se e morri me veturë kushërirën e tij, Donjeta Pajazitaj dhe e vrau më pas në bjeshkët e Strellcit të Deçanit.
Pajazitaj, këtu tregoi pretendimin e tij se nga kishte kaluar në ditën kritike.
“Lëvizja ime prej aty, kam lëvizë në këmbë deri tek varrezat, deri tek ai dyqani aty, e kam parë që nuk po mundem të eci, edhe jam kthyer… dhe me veturë e kam ndezë veturën që të shkoj në shtëpi, mos të shkoj në varrim fare… kam lëvizë lart e deri tek bunari, prej bunarit e deri tek varrezat”, është shprehur Pajazitaj.
Këto deklarime të Naser Pajazitaj, i dëgjon me vëmëndje nëna e Donjetës, Lumnija.
E familjarët e të dyshuarit, qëndrojnë rreth 100 metra larg.
Pasi përfundon dëshminë këtu, Pajazitaj rikthehet në furgonin e Shërbimit Korrektues të Kosovës.
Pa të, kryetari i Trupit Gjykues, Ibrahim Idrizi urdhëron të ecet kah rruga që dyshohet se e përdori Pajazitaj për ta dërguar Donjetën në bjeshkë.
Përgjatë kësaj kohe, kryhen edhe matje.
Kjo bën që ata t’i kthehen përsëri ecjes së njëjtë.
Këto veprime u bënë edhe në pesë lokacione të tjera përgjatë fshatit.
E lokacioni i gjashtë, janë Bjeshkët e Strellcit.
Gjyqtari me bashkëpunëtorë vizitojnë edhe vendin ku u gjet trupi i Donjeta Pajazitaj.
Në vendin ku për rreth gjashtë javë kishte qëndruar trupi i pajetë i Donjeta Pajazitaj, Trupi Gjykues ka kryer ekzaminime rreth gjysmë ore.
E pas këtyre ekzaminimeve, gjyqtari Idrizi mbledh të gjithë të pranishmit në këtë tavolinë.
“Tani shihet se reliefi ka ndryshuar. Këtu i keni të dhënat, dhe mund të vazhdoni…”, thotë gjyqtari Ibrahim Idrizi
Afër vendit ku u gjet trupi i Donjeta Pajazitaj, bëhen diskutimet kryesore. Ato u ndaluan për xhirim.
E pas tyre, Idrizi, e as prokurorja Valbona Disha Haxhosaj, nuk deshën të flasin për mediat.
Familjarët e të resë nga Strellci i Deçanit, përgjatë tërë kohës kanë përcjellur me vëmendje zhvillimet.
Por, as ata nuk kanë dashur të flasin.
Nga ana tjetër, njëri prej avokatëve të të pandehurit, Ahmet Tahiri nuk ka shumë pritshmëri nga zhvillimet e së mërkurës.
“Siç e patë vendi ka ndryshuar shumë, edhe rruga edhe çdo gjë tjetër. Nuk e di se sa do të mundet kjo me e zbardhë këtë rast. Këto ekzaminime nuk e di se çfarë rezultatesh do të na japin”, ka thënë Tahiri.
Daljen e trupit gjykues në vendin e ngjarjes, e kishte kërkuar Gjykata e Apelit.
Në aktvendimin e Apelit, i cili e riktheu rastin për herë të tretë në rigjykim, si mangësi u kontatua edhe fakti se trupi gjykues asnjëherë nuk ka vizituar vendin ku ishte gjetur trupi i Donjeta Pajazitaj./Portali D/
Promo
Reklamo këtuLufta Prigozhin - Putin
Më shumëÇka tha diplomati slloven Zhbogar në OKB që u irritua Vuçiqi?
Sylejman Selimi dhe Jahir Demaku lirohen nga akuza për krime lufte
Babai i Vanjës me ankesë të re para Gjykatës Supreme, kërkon që t’i hiqet masa e paraburgimit
Sindikata e Re e KEK-ut, ajo e Administratës dhe e Trepçës reagojnë ndaj kryetarit të BSPK-së për disa vendime
Organizatori i protestave anti-Vuçiq në Beograd, Manojloviq: Unë jam gjallë falë besës së shqiptarit
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën