Presidenti amerikan, Donald Trump i ka bërë thirrje sfiduesit demokrat, Joe Biden që t’i nënshtrohen testeve të drogës para debatit të tyre të parë muajin tjetër.
Trump i tha “Washington Examiner” se ka vërejtur një përmirësim të papritur të performancës së Bidenit në debatet televizive të demokratëve, raporton BBC.
Presidenti amerikan nuk ofroi asnjë provë se rivali i tij mund të ishte i droguar përveç se tha "unë jam shumë mirë në këtë gjendje", transmeton Telegrafi.
Trump tha se ish-nënpresidenti i SHBA-së "nuk ishte aq koherent" gjatë disa prej 11 debateve televizive përveçse i fundit ishte për Bidenin dhe senatorin e Vermontit, Bernie Sanders.
Presidenti aktual tha se "Unë nuk e di se si ai [zoti Biden] ishte paaftë në shfaqjet e tij të debatit dhe papritmas u përmirësua me Sandersin".
Theksojmë se Biden dhe Trump do të kenë tre debate përpara zgjedhjeve të 3 nëntorit (e martë), transmeton Telegrafi.
Ndryshe, në vitin 2016, Trump sugjeroi që rivalja e tij e atëhershme demokratike, Hillary Clinton, ishte "duke u pompuar" para debateve të tyre dhe e sfidoi të bënte një test të drogës përpara takimit të tyre të fundit televiziv. /Telegrafi/
