Tri sëmundjet më të shpeshta që prekin meshkujt e moshës së mesme, mos i injoroni
Kujdesi për shëndetin e meshkujve apo shëndetin në përgjithësi nuk është dhe nuk duhet të jetë trendi i një muaji, dite apo viti të caktuar.
Kontrollet e rregullta mjekësore, parandalimi dhe trajtimi duhet të jenë të përditshme. Pra, çështja e shëndetit të meshkujve duhet shtruar çdo ditë dhe përgjigjet duhet kërkuar nga ekspertët.
Në mënyrë që meshkujt të qëndrojnë apo të bëhen të shëndetshëm, duhet t’u kushtojnë vëmendje problemeve dhe patologjive specifike që i prekin dhe të jenë të vetëdijshëm për problemet. Në këtë mënyrë, vet problemi është më i lehtë për t’u kuptuar dhe parandaluar ose eliminuar në kohën e duhur.
Problemet më të shpeshta që prekin meshkujt e moshës së mesme janë: hiperplazia beninje e prostatës, disfunksioni erektil dhe sëmundjet kardiovaskulare.
Hiperplazia beninje e prostatës është një zmadhim beninj i prostatës i shkaktuar nga rritja e qelizave të reja të prostatës dhe më së shpeshti shfaqet te meshkujt e moshës së mesme. Disa shqetësime mund të shfaqen më herët dhe variojnë nga ato minimale në ato që dëmtojnë ndjeshëm cilësinë e jetës dhe shëndetin e një burri. Shenja më e zakonshme e hiperplazisë beninje të prostatës është çrregullimi i urinimit.
Urinimi i shpeshtë gjatë natës, pritja që të fillojë urinimi ose dhimbja, janë alarme të qarta që duhet të shkoni te mjeku. Megjithëse është tumori beninj më i zakonshëm, frekuenca e hiperplazisë beninje të prostatës rritet me moshën dhe mund të çojë në komplikime. Komplikimet më të shpeshta që ndodhin janë gurët në fshikëz, infeksionet urinare, mospërmbajtja urinare, mosfunksionimi i traktit të sipërm urinar dhe hematuria (shfaqja e gjakut në urinë).
Gjendja e dytë, më e zakonshme që shfaqet shpesh e lidhur me hiperplazinë beninje të prostatës është disfunksioni erektil, nga i cili vuajnë gjithnjë e më shumë meshkuj, si të moshës mesatare, ashtu edhe më të moshuarit, por edhe të rinjtë.
Disfunksioni erektil – i cilësuar edhe si çrregullimi erektil – është një mosfunksionim seksual në të cilin një mashkull nuk mund të arrijë ose të mbajë ereksion deri në fund të aktivitetit seksual për një periudhë më të gjatë se gjashtë muaj. Shkaqet zakonisht janë të përziera, pra më së shumti është një kombinim i faktorëve psikologjikë (stres, probleme në marrëdhënie, mungesa e besimit në vetvete) dhe organikë (konsumimi i cigareve, diabeti, hipertensioni…). Janë pikërisht faktorët psikologjikë shkaku i një numri në rritje të meshkujve të rinj me këtë çrregullim. Është shumë e rëndësishme që disfunksioni erektil të mos “trajtohet” në mënyrë të pavarur, pa ndihmën profesionale të mjekut specialist.
Disfunksioni erektil dhe sëmundjet kardiovaskulare ndajnë faktorë të përbashkët rreziku si mosha, hiperkolesterolemia, hipertensioni arterial, rezistenca ndaj insulinës dhe diabeti, duhani, obeziteti dhe depresioni. Studime të shumta kanë treguar se mosfunksionimi erektil është i zakonshëm te pacientët me sëmundje kardiovaskulare (më shumë se 70 për qind) dhe është një parashikues i pavarur i ngjarjeve të ardhshme kardiovaskulare te burrat me dhe pa sëmundje kardiovaskulare të konfirmuara. Është e rëndësishme të theksohet se disfunksioni erektil paraprin simptomat e sëmundjes koronare apo problemet tjera kardiovaskulare. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur