Travis Scott mohon të ketë tradhtuar Kylie Jennerin me modelen Rojean Kar

Travis Scott ka mohuar pretendimet se ka qenë i lidhur me ish-të dashurën e tij, Rojean Kar, në mes të marrëdhënies me yllin televiziv, Kylie Jenner.

Në përgjigje të provave të supozuara të modeles në Instagram se të dy kanë qenë në xhirime bashkë, reperi bëri një postim në InstaStory duke i adresuar thashethemet.

“Një person i paftuar po bënte fotografi fshehurazi në atë që supozohej të ishte një set i mbyllur, ndërsa unë drejtoja një video”, pohoi ai. “Unë nuk e njoh këtë person. Unë kurrë nuk kam qenë me këtë person”.

Scott, 31 vjeç, më pas me sa duket i kërkoi drejtpërdrejt modeles që “të ndalonte me lojërat e vazhdueshme kibernetike dhe tregimin imagjinar”.

Lexo po ashtu Travis Scott fotografohet me modelen me të cilën ka qenë i lidhur për dhjetë vjet – edhe mes romancës me Kylie Jenner

Të dy thuhet se u lidhën për herë të parë në vitin 2013, shumë kohë përpara se muzikanti të fillonte lidhjen me Jenner, 25 vjeçare, me të cilën ai ka dy fëmijë.

Me kalimin e viteve, punonjësit e internetit kanë gjetur të dhëna që duket se nënkuptojnë se Scott dhe Kar nuk i kanë ndërprerë kurrë lidhjet.

Ajo gjithashtu u përfol se ishte përfshirë në ndarjen e tij të shkurtër nga Jenner në 2019, të cilën modelja e quajti në atë kohë si “një narrativë e rreme”.

Kylie dhe Travis nga ana tjetër janë bashkë që disa vite, pavarësisht uljeve dhe ngritjeve në marrëdhënien e tyre.

Çifti kanë bashkë dy fëmijë: një vajzë dhe një djalë. /Telegrafi/