Transferim më i ri di si t’i bëjë tifozët e Arsenalit për vete me veprimin fantastik

Portieri i ardhshëm i Arsenalit, Matt Turner, tashmë e ka bërë veten të dashur për tifozët e ekipit të tij të ri duke refuzuar të nënshkruajë një fanellë të dorëzuar nga një mbështetës i Tottenhamit.

Reprezentuesi i Shteteve të Bashkuara po i thoshte lamtumirën New England Revolution përpara se të kalonte në Ligën Premier. Arsenali arriti një marrëveshje në parim për portierin në janar, por asnjë marrëveshje nuk u njoftua gjatë afatit të fundit – megjithëse skuadra amerikane bëri një njoftim në shkurt përpara se Topçinjtë ta mbyllnin sezonin në maj.

Tifozët e Revs u mblodhën në stadiumin Gillette të klubit për të thënë lamtumirën e tyre, me Turnerin që e ndiqte lojën nga bankina ndërsa skuadra e Major League Soccer fitoi 2-1 kundër Minesota United. Megjithatë, teksa një tifoz me fanellën e Tottenhamit u përpoq të merrte një autograf nga 27-vjeçari, ai u kujtua shpejt se ku do të luajë së shpejti.

Lexo po ashtu Leno drejt transferimit te Newcaslte United, Arsenali gjen zëvendësuesin e gjermanit në MLS

Në një video të shpërndarë nga New England Revolution, Turner mund të shihet duke iu afruar një grupi tifozësh në tribuna dhe duke nënshkruar disa autografe. Megjithatë, kur ai i afrohet një mbështetësi i veshur me një fanellë të Tottenhamit, mund të dëgjojmë një “oh jo”, ndërsa ai i kalon pranë dhe shkon te një tifoz tjetër që mban lart një fanellë ‘Turner 30’ Revs.

Turner pritet t’i kushtojë Arsenalit diku rreth dhjetë milionë euro kur të përfundojë lëvizjen e tij. Me Bernd Leno që mund të largohet nga Londra Veriore këtë verë. /Telegrafi/

I think he’ll fit in just fine on his side of North London 🔴⚪️😉 pic.twitter.com/pDzmYRACk0

— New England Revolution (@NERevolution) June 20, 2022