Trajneri i Borussia Dortmundit hedh poshtë mundësinë e transferimit të Jude Bellingham te Real Madridi këtë verë

Trajneri i Borussia Dortmundit, Edin Terzic, ka tentuar të qetësojë spekulimet rreth lëvizjes së afërt të Jude Bellingham në Real Madrid.

Fabrizio Romano raportoi këtë javë se gjigantët spanjollë kanë fituar garën për të nënshkruar me mesfushorin 19-vjeçar, me Bellingham në prag të marrëveshjes për kushtet personale dhe tarifa e transferimit nuk mendohet të ofrojë shumë pengesë.

Liverpooli, Manchester City dhe një mori klubesh të tjera të mëdha evropiane kishin menduar prej kohësh se ishin në garë, por 14 herë kampionët e Evropës kanë fituar, ose kështu besohet.

Lexo po ashtu Zbulohen detajet e para të kontratës së Bellingham me Real Madridin

Terzic, duke folur përpara ndeshjes vendimtare të Dortmundit me Wolfsburgun në shtëpi, teksa ata ndjekin titullin e parë në më shumë se 10 vjet, hodhi poshtë zhurmën rreth lëvizjes së Bellingham.

“Unë as që kam dëgjuar prej tij se ai është i përfshirë në bisedime me një klub tjetër”, u tha ai gazetarëve që kuptueshëm ishin në radhë për ta pyetur në lidhje me reprezentuesin anglez.

Komentet e Terzic pasojnë ditë të tëra raportimesh të pafundme rreth klubit të ardhshëm të Bellingham.

Në raportimet nga mediat në Spanjë thuhet se Bellingham do të nënshkruajë një kontratë gjashtëvjeçare me Los Blancos.

Për më tepër, Bellingham do të ketë një klauzolë lirimi prej 1 miliard eurosh. /Telegrafi/