Trajanov: Me një njësi zgjedhore partitë e mëdha do të humbnin shumë deputetë

Kemi më shumë se 20 vjet që po diskutojmë, po hapim një debat për ndryshimin e rregullave zgjedhore, reformat në Kodin Zgjedhor, por për herë të parë kemi një debat të hapur argumentues në thelb ku përfshihen edhe parti të tjera politike, tha kryetari i Lidhjes Demokratike, Pavle Trajanov për “Kanal 77” lidhur me ndryshimet në Kodin Zgjedhor.

Analiza, thekson ai, tregon se nuk është e vërtetë që partitë e mëdha do të humbin një ose dy deputetë, do të humbasin shumë më tepër. Nëse i heq 60 apo 70 mijë vota tani LSDM-së, ose OBRM-PDUKM-së, janë rreth 10 deputetë.

“Tani për tani jemi që të mos ketë përjashtime të koalicionit, propozojmë ndryshime vetëm për një njësi zgjedhore dhe pa prag zgjedhor. Të gjitha ndryshimet e tjera mund t’i pranojmë gjatë debatit si sugjerim ose t’i fusim si amendament. Është thelbësore që në këtë ligj kemi paraparë që bashkësitë më të vogla etnike rreth 20 për qind të mund të hyjnë në Kuvend”, tha Trajanov.

Anketat e tyre, siç tha ai, tregojnë se mbi 60 për qind e qytetarëve janë për ndryshimin e numrit të njësive zgjedhore, përkatësisht një njësie zgjedhore dhe se besojnë se kështu do të fillojnë proceset reale demokratike në vend.

Me hapjen e debatit në Kuvend, thekson ai, do të ketë më shumë subjekte nga pozicioni apo vota e të cilëve do të varet rezultati i zgjidhjes që ofrohet./Telegrafi/