Trajanov kërkon moratorium të projektit me “Bechtel dhe Enka”

Për shkak të dyshimeve për korrupsion në shkallë të gjerë, Bashkimi Demokratik i Pavle Trajanovit kërkon moratorium në zbatimin e projektit për ndërtimin e autostradave të Korridoreve 8 dhe 10-d që do të ndërtohen nga “Bechtel dhe Enka” derisa kontrata të shpallet publikisht dhe deri në auditimin e aktiviteteve të deritanishme në lidhje me ndërtimin e korridoreve.

“Bashkimi Demokratik këmbëngul që Revizioni i Shtetit të bëjë auditimin e aktiviteteve të mëparshme në lidhje me ndërtimin e korridoreve 8 dhe 10-e. Së pari, nëse kontrata e nënshkruar me ‘Bechtel dhe Enka’ është në përputhje me rregulloret ligjore pozitive të Maqedonisë. Së dyti, a janë përzgjedhur kompanitë për konsultim dhe mbikëqyrje sipas vendimeve ligjore”, njofton partia.

Nga aty kërkojnë që raporti i revizioni t’u dorëzohet të gjithë deputetëve, si dhe tërheqjen pas procedurës së shkurtuar të tetë ligjeve të propozuara, të cilat kanë të bëjnë me ndërtimin e korridoreve dhe ridorëzimin e tyre në Kuvend në procedurë të rregullt.

“Meqenëse kryetari i Qeverisë, Dimitar Kovaçevski, pretendon se kontrata me ‘Bechtel dhe Enka’ është në përputhje të plotë me ligjin bazë për ndërtimin e korridoreve që është propozuar dhe votuar nga vetë deputetët dhe kjo nënkupton bartje të përgjegjësisë së deputetëve, Bashkimi Demokratik kërkon që nëntë (ose tetë) ligjet që deputetët i kanë dorëzuar për miratim në procedurë të shkurtuar, të tërhiqen dhe Qeveria t’i dërgojë në Kuvend në procedurë të rregullt”, theksojnë nga atje.