Tragjedia ajrore në SHBA me asnjë të mbijetuar, vjen reagimi i Shtëpisë së Bardhë

Sekretarja e shtypit e Shtëpisë së Bardhë Karoline Leavitt së fundmi është deklaruar në një konferencë për shtyp në lidhje me përplasjen e aeroplanit dhe helikopterit në Uashington.

Ajo tha se presidenti Donald Trump nënshkroi një memorandum për vlerësimin e menjëhershëm të administratës federale të aviacionit (FAA).

Bëhet e ditur se ai do të përfshijë një vlerësim për çdo “përkeqësim të standardeve të punësimit dhe standardeve të sigurisë së aviacionit” gjatë administratës së mëparshme, shkruan skynews, përcjell Telegrafi.

“Siguria e aviacionit u trajtua nga presidenti Trump edhe para se të ndodhte kjo ngjarje tragjike”, tha ajo.

Lexo po ashtu Pamje të reja që tregojnë përplasjen në ajër të aeroplanit me pasagjerë dhe helikopterit ushtarak në Uashington

“Në ditën e tij të dytë në detyrë, presidenti nënshkroi një memorandum për të ndaluar programet e punësimit të Biden DEI dhe për t’u rikthyer në punësime jo-diskriminuese të bazuara në merita”, shtoi Leavitt.

Sipas Sekretares, në vitin 2018 gjatë mandatit të parë të Trumpit, departamenti i transportit njoftoi se do t’i jepte fund përdorimit të pyetësorit biologjik që u prezantua nga administrata Obama, i cili “dënonte aplikantët e aftë”.

“Presidenti Trump do të vazhdojë t’i përmbushë premtimet e tij”, përfundoi ajo. /Telegrafi/