Toyota po kryen një tërheqje sigurie të veturave që përfshin disa njësi të RAV4 Prime

Toyota po kryen një tërheqje sigurie të veturave e që përfshinë disa njësi të modelit të vitit 2021 të veturave RAV4 Prime (PHEV) në SHBA. Në këtë tërheqje janë të përfshira përafërsisht 16,000 vetura.

Njësia e kontrollit të motorit të veturave hibride (HEV-ECU) në veturat elektrike hibride të tipit “plug-in” përmban softuer që mund të bëjë që sistemi hibrid të fiket pas drejtimit të vazhdueshëm në “modalitetin elektrik” në temperatura të ftohta dhe më pas pedali i gazit të jetë me shpejtësi shtypet për të përshpejtuar më tej veturën.

Mbyllja e sistemit me humbje të fuqisë motorike me shpejtësi më të larta mund të rrisë rrezikun e një përplasjeje, transmeton Telegrafi.

Shitësit e autorizuar të Toyota do ta bëjnë përditësim e softuerit HEV-ECU për të gjitha veturat e tërhequra, dhe atë do ta bëjnë pa asnjë kosto për konsumatorët. Pronarët e veturave të përfshira do të njoftohen deri në fillim të prillit 2023.

Informacioni në lidhje me tërheqjet e veturave – duke mos u kufizuar në listën e veturave të përfshira – është aktual që nga data e depozitimit të sotëm dhe mund të ndryshojë më pas. Për të parë nëse automjeti juaj është përfshirë në një tërheqje sigurie, vizitoni “Toyota.com/recall” ose “nhtsa.gov/recalls” dhe futni numrin tuaj të identifikimit të automjetit (VIN) ose informacionin e targës.

Për çdo pyetje shtesë, mbështetja e klientit është gjithashtu e disponueshme duke telefonuar Qendrën e Angazhimit të Markës së Toyota “1-800-331-4331” për veturat Toyota. /Telegrafi/