Totti flet pas shortit: Roma është e uritur, synojmë finalen e Madridit

Roma do të luaj në Grupin G në edicionin e ardhshëm të Ligës së Kampionëve.

Gjysmëfinalistët e edicionit të kaluar synojnë të bëjnë edhe më mirë këtë edicion.

Së paku kështu ka thënë ikona e Romës dhe Italisë, Francesco Totti pas hedhjes së shortit në Monaco.

“Tani duket gjithçka më e thjeshtë së paku në letër se vitin e kaluar”.

“Edicionin e kaluar flisnim për vend të tretë, por në fakt i mposhtëm të gjithë dhe arritëm deri në gjysmëfinale”, tha ikona e Romës.

Ish-kapiteni legjendar i Romës foli edhe për synimet e klubit verdh e kuq.

“Synimi ynë është të bëjmë më mirë se edicionin e kaluar. Jemi të uritur dhe synojmë finalen e madhe të Madridit”.

“Pritshmëritë janë të larta pasi kemi një grup të bashkuar. Do të përpiqemi të lëmë gjurmë edhe në Evropë”, tha Totti.

Krejt në fund Totti ka thënë se klubi i tij është më i fortë se vitin e kaluar edhe përkundër disa largimeve nga skuadra.

Roma ndodhet në grupin G së bashku me Real Madridin, CSKA Moskën dhe Vitoria Plzen. /Telegrafi/