PDK po bën thirrje edhe një herë që të votohet pako e rimëkëmbjes, e propozuar nga kjo parti në vlerë prej 320 milionë eurove. Në të kundërtën sipas tyre, shumë biznese rrezikohen të mbyllen.
Nënkryetari i Partisë Demokratike të Kosovës, Shaqir Totaj konsideron se qeveria në detyrë ende nuk i ka dhënë ekonomisë ndihmën e merituar.
“Qeveria e shkarkuar e Kurtit, me vonesën, papërgjegjshmërinë dhe paaftësinë e saj, e ka lënë ekonominë të rrezikuar prej kolapsit dhe dhjetëra mijëra punëtorë të sektorit privat në kushtet e mbijetesës. Kjo qeveri në ikje është treguar shumë neglizhuese me pandeminë duke mos parashikuar fonde për të luftuar koronavirusin në buxhetin e vitit, i cili u miratua në një seancë klandestine në datën 14 mars, pra pasi pandemisë në Kosovë. Madje, kujtojmë se ministrja Rozeta Hajdari deklaronte me krenari të madhe indiferencën ndaj emergjencës së pandemisë, duke thënë se qeveria nuk duhej të bënte asgjë për të shpëtuar ekonominë sepse sipas saj “nuk e kemi sjellë ne koronavirusin”, tha ai.
Sipas Totajt, Partia Demokratike e Kosovës ka qenë partia e parë që ka propozuar një pako emergjente prej rreth 320 milionë eurosh, për të ardhur në ndihmë të bizneseve private si dhe të qindra mijëra punëtorëve të kompanive private që po detyroheshin të mbylleshin si pasojë e pandemisë.
“Madje në mënyrë konstruktive si rrallëherë ka ndodhur me partitë opozitare të Kosovës, i ofruam qeverisë së shkarkuar, edhe votat tona për të bërë një seancë të jashtëzakonshme, ku të bënim ndryshim- plotësimin e buxhetit të këtij viti, për të mundësuar përfshirjen e kësaj pakoje emergjente. Qeveria e shkarkuar e ka refuzuar këtë ftesë tonën për të miratuar të gjithë së bashku në mënyrë ligjore një paketë të plotë gjithë përfshirëse për të shpëtuar ekonominë nga kolapsi dhe për të siguruar 300 euro në muaj të ardhura për punëtorët e sektorit privat”, tha Totaj.
Ndër të tjera ai theksoi se qeveria në detyrë ka marrë një vendim të paligjshëm në nivel ministri në pakon emergjente prej 180 milionë eurove.
“Madje ka marrë një veprim të paligjshëm në nivel ministrie për një paketë të mangët prej 180 milionë milionëve, nëpërmjet të cilit është premtuar se punëtorët e sektorit privat do të merrnin rrogën minimale prej 170 euro. Kujtojmë këtu se bëhet fjalë për dhjetëra-mijëra punëtorë të cilët nuk duhet të trajtohen me lëmoshë, por duhet të marrin një rrogë dinjitoze sa mesatarja e pagesave që bëhen në sektorin privat, pra të paktën 300 euro. Jo vetëm që ata kanë nevojë për më shumë 170 euro për të mbuluar shpenzimet e tyre bazike por edhe për të stimuluar konsumin në ekonomi”, ka deklaruar Totaj.
Sipas tij, fondet e parashikuara nga qeveria në ikje janë të pamjaftueshme për të garantuar mbijetesën e bizneseve private dhe për të mundësuar rimëkëmbjen e ekonomisë sonë pas pandemisë.
Ai edhe një herë ka bërë thirrje që të votohet pako e rimëkëmbjes e propozuar nga PDK në vlerë prej 320 milionë eurove. Në të kundërtën, Totaj tha se mijëra biznese gjenden para falimentimit pasi nuk kanë mjaftueshëm para për të paguar qiratë, kreditë apo shpenzimet e tjera bazike operative.
Promo
Reklamo këtuLufta Prigozhin - Putin
Më shumëNga Rubrika
Dhoma e Tregtisë dhe Industrisë kërkon ndryshime urgjente në kalendarin e festave zyrtare – të mos pushohet në ditët e javës kur festat bien në vikend
Bastisje në Manastir, ndalohet një 48-vjeçar
PDK, LDK dhe AAK fajësojnë Qeverinë Kurti pasi Kosova shënoi rënie sa i përket lirisë së mediave
Dita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe